Duha ka pusher sikop
CEBU, Philippines — Duha ka suspetsadong drug pusher nga nalakip sa drug watchlist sa Presinto 2 sa Lapu-Lapu City Police Office (LLCPO) ang nadakpan atol sa buy bust operation nga gipahigayon sa kapolisan.
Si Police Major Narciso Abapo, hepe sa kapolisan sa Presinto 2 sa LLCPO niila sa mga suspetsado nga sila si Ronald Pasaje, 18-anyos ug Jonnie Igot, 20, parehong mga residente sa Barangay Mactan sa maong siyudad.
Nasakmit sa kapolisan gikan kang Pasaje ang 14 ka paketeng shabu ug 11 ka gagmayng pakete sa shabu ang nasakmit gikan kang Igot.
Matud ni Abapo nga nakadawat sila og report kabahin sa ilegal nga kalihukan sa mga suspetsado hinungdan nga gipanid-an nila kini sulod sa pipila ka adlaw una pa sila nipahigayon sa nahisgutang operasyon.
Giingong ang mga suspetsado dali kining makabalhin og lugar kong makamatikod og mga polis.
Ang mga suspetsado natingkagol karon diha sa detention cell sa LLCPO. /BDB (BANATNEWS)
- Latest
