_banat
^

Mananagat napadpad sa kadagatan sa Oslob

Rowena D. Capistrano (Banat) - July 29, 2020 - 12:00am

CEBU, Philippines — Usa ka 64-anyos nga mananagat nga taga Lungsod sa Argao ang napadpad ngadto sa kadagatan sa Lungsod sa Oslob dihang nakasugat kini og unos niadtong Domingo.

Si Porferio Cinco, minyo, taga Barangay Bulasa, Lungsod sa Argao nibiya sa ilang panimalay niadtong Domingo sa hapon paingon ngadto sa Barangay Kalabawan, Lungsod sa Ginatilan tungod kay aduna kini ibaligya.

Matud ni Police Staff Sergeant Jerwin Arado, desk officer sa Oslob Police Station nga mga alas 4:00 sa hapon sa nahisgutang adlaw samtang naglawig si Cinco diha na sa kadagatan sa Lungsod sa Samboan nakasugat kini og unos hinungdan nga nisuway kini og balik sa iyang agi.

Giingong si Cinco nibutyag sa mga polis nga mga alas 11:00 sa gabii niadtong Lunes samtang naglawig pa gihapon diha sa kadagatan adunay nibitad sa iyang bugsay hinungdan nga nahagbong siya diha sa dagat ug nanglimbasog sa paglangoy aron makaabot siya diha sa baybayon sa Barangay Poblacion, Oslob.

Matud ni Arado nga alas 6:30 sa buntag kagahapon ang konsehal sa lungsod nga si Roger Trapa maoy nakakita sa sakayan ni Cinco nga nag-utaw-utaw diha sa dagat hinungdan nga ilaha kining gi-post sa social media diin ang ID ni Cinco nabiyaan niini diha sa sakayan.

Niadtong higayona, si Cinco nakatulog diha sa national highway sa Barangay Looc ug naglakaw na unta kini paingon nga mopauli sa Bulasa, Argao apan gisita kini sa mga tanod sa Barangay Gawi kataposang nga barangay sa Oslob hinungdan nga nasayran nga siya ang tag-iya sa sakayan nga napalgan.

Ang kapolisan nakig-alayon kini sa pamilya ni Cinco ug nakauli kini sa ilaha kagahapon sa udto. /BDB (BANATNEWS)

ARGAO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with