^
Habal-habal driver nasakmitan og P1.2 milyones shabu
Si Jay Arland Abala, 27, habal-habal driver nga taga B. Aranas St., Duljo Fatima, Dakbayan sa Sugbo igo nalang sa pagtan-aw sa mga ebidensiya nga shabu nga balor og P1.2 milyones nga nasakmit gikan kaniya atol sa buy-bust operation niadtong Miyerkules sa gabii.
Romeo D. Marantal

Habal-habal driver nasakmitan og P1.2 milyones shabu

Romeo D. Marantal (Banat) - July 24, 2020 - 12:00am

CEBU, Philippines — Mokabat sa P1.2 milyones ang kantidad sa shabu nga nasakmit gikan sa usa ka habal-habal driver atol sa buy-bust operation sa may B. Aranas St., Duljo Fatima, Dakbayan sa Sugbo niadtong Miyerkules sa gabii.

Ang nasikop mao si Jay Arland Abala, 27, residente sa maong lugar.

Ang Special Drug Enforcement Unit team sa Police Station 11 sa Cebu City Police Office kauban sa City Drug Enforcement Unit, Regional DEU sa Regional Intelligence Division 7 ug Philippine Drug Enforcement Agency 7 ang nipahigayon sa operasyon.

Samtang upat ka tawo ug usa ka menor de edad ang na-rescue atol sa buy-bust operation sa usa ka drug den nga gipahigayon sa PDEA-7 ug kapolisan sa Barangay Carreta, Dakbayan sa Sugbo niadtong Miyerkules sa gabii.

Ang nasikop mao sila si Edimar Joshua Kangkee, 23, subject sa buy- bust ug tigmintinar sa drug den; John Eric Debalucos, 18; Carlo Igot, 25, ug Paquito Destaño Jr. ug ang 15-anyos nga na-rescue.

Nasakmit gikan sa mga dinakpan ang pinutos nga shabu nga balor og P75 mil.

Sa laing bahin usa ka high-value individual ang nadakpan sa kapolisan sa Dakbayan sa Talisay atol sa buy-bust operation sa Sitio Laray, Barangay San Roque niadtong Miyerkules sa gabii.

Ang dinakpan nailhan nga si Aristotle Baguio Torrevillas, 45, taga Cogon, Pardo, Siyudad sa Sugbo.

Si Police Major Gerard Ace Pelare, hepe sa Talisay City Police Station, nagkanayon nga dugay ra nga nitumaw ang pangalan ni Torrevillas sa pipila ka drug operations nga ilang gihimo.

Nakuha gikan sa suspek ang shabu nga gibana-bana nga kantidad og P91,460.

Ang mga dinakpan gibalhug sa selda sa kapolisan samtang gikatakda nga pasakaan og tukmang kaso samtang ang menor de edad ang gitugyan ngadto sa Department of Social Welfare and Development. Rowena D. Capistrano, Gabriel C. Bonjoc/GMR (BANATNEWS)

DRUGS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with