Grupo sa mga seklista nanghatag og reflective bike vest
CEBU, Philippines — Grupo sa mga seklista nanghatag og mga reflective bike vest ngadto sa katawhan nga magbiseklita diha sa Dakbayan sa Lapu-lapu.
Ang maong lakang sa grupo pinasikad usab sa ilang programa nga gitawag of “Tindak Kahayag” aron ma-protektahan ang mga mag bisekleta ilabi na panahon sa kagabhion.
Subay niini gibati og kahinangop ang mga nagsakay sa ilang besiklita dihang gitunol ngadto kanila ang maong reflective bike vest.
Si Andrea Xayide ug Apol Lopa nga maoy nangulo sa pagpanghatag sa maong kahimanan miingon nga kapin sa usa ka gatus ka mga vest ang ilang gipanghatag niadtong byernes Huly0 17, 2020 nga mao na ang ikaduhang hugna sa ilang pagpanghatag.
Mokabat sa 193 na usab ka mga reflective bike vest ang ilang nahatag sa unang hugna nga ilang gihimo sayo sa mga adlaw sa bulan sa Hulyo niining tuiga. /MEL (BANATNEWS)
- Latest
