Illegal quarry sa Danao, duha natabunan
Apan pag-abot sa pito ka metros nga gilawmon nagbangag nag-tunnel sila padung sa laing direksyon. Sa tanto nilang kubkob nahugno ang ibabaw nga bahin sa ilang tunnel ug natabunan ang duha.
STAR/File
Illegal quarry sa Danao, duha natabunan
Sheriza Mae Uy (Banat) - July 19, 2020 - 12:00am

CEBU, Philippines — Duha patay human nga natabunan pagkahugno sa yuta nga gikawot niadtong Biyernes sa gabii sa Barangay Guinacot Dakbayan sa Danao.

Giila ang mga namatay mao sila si Philbert Giangan, 22, ug Kent Daniel Casas Maglinte,13, nga nagpuyo sa maong lugar.

Matud ni Police Corporal Mark Anthony Manulat sa Danao City Police Station nagkawot og yuta ang duha sa nauga nga sapa.

Apan pag-abot sa pito ka metros nga gilawmon nagbangag nag-tunnel sila padung sa laing direksyon. Sa tanto nilang kubkob nahugno ang ibabaw nga bahin sa ilang tunnel ug natabunan ang duha.

Adunay nakamatikod nga residente sa pagkahugno maong dali kining nipahibalo sa mga silingan ug sa mga otoridad.

Ang mga residente dali nga gikawot ang bangag apan tungod wala silay gamit nadugay kini.

Sa pag-abot sa mga mga rescuers sa City Disaster Risk  Reduction and  Management Office (CDRRMO) nagdala na sila og backhoe apan naglisud usab pag-adto sa lugar tungod pwerteng daghana sa mga bangag sa yuta tungod sa pagpangubkob og graba ug balas sa mga tawo didto aron ilang ibaligya.

Sumala pa sa kapulisan panginabuhian sa mga tawo ang pagpangubkob og balas ug graba. Kini bisan paman makadaghan na sila gibadlong tungod daghan na ang mga nangreklamo sa ilang ilegal nga quarry.

Nagpadayon sila karon sa ilang imbestigasyon kung kinsa ang manubag sa kamatayon sa duha.

Sa inisyal nila nga pakighinabi sa ginikanan sa 13 anyos wala matod pa kini sugoa apan sigun ni Manulat nga ilang palawman ang imbestigasyon tungod sa nahitabo sa bata.  Romeo T. Limpangog/IBM (BANATNEWS)

QUARRY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with