15-anyos nakuyapan human gipa-pushup

CEBU, Philippines — Usa ka 15-anyos nga batang lalaki ang nawad-an og panimuot human gikatahong gipa push-up sa polis agi og silot sa iyang paglapas sa quarantine protocol diha sa Barangay Tisa kaniadtong Lunes, Hulyo 14,2020.

Usa ka post nga nag-viral sa social media, nakita ang 15-anyos nga menor de edad nga naglingkod sa usa ka lingkuranan ug nakuyapan.

Matud sa post nga gipadala kini nga report sa ig-agaw sa bata nga wala magpaila nga nag-ingon nigawas sa balay ang 15 anyos aron pagkuha og pagkaon gikan sa kwarto sa ilang lola nga nahimutang sa likod sa ilang balay apan gisugat kini sa nag-roving nga pulis.

Gikatahong gidala ang bata sa maong polis. Sumala pa nga ang bata nagkurog pa sa tambal nga giinom kay bag-o lang kini gioperahan sa tudlo.

"Dayun sir gipa push-up siya nya gibunalan gipatukod sab ang ulo nya, ni ana ang pulis sir damayon daw niya akong pamilya nahibong akong pamilya, ni tago diritso ako ig-agaw nakuyapan dayon nawagtangan ug ginhawa, ni violet maayo nya 15 anyos paman ni siya sir nya ang gatagay nuon sir wala hilabti ako na nuon ig agaw ila gi dakop,"sigun sa maong post.

Wala hinuo'y video sa akwtal na pag push-up tungod kay sumala sa nagpadala sa post nga gibadlong sila sa pulis nga di magkuha og video.

Si Police Captain Jonathan Dela Cerna, hepe sa Labangon Police Station miingon nga iyaha ng girelibohan ang maong polis bisan kini nangangkon nga ang bata maoy miboluntaryo pag-pushup.

Matud ni Dela Cerna base sa pangangkon sa maong gireklamong polis, gibadlong nila ang bata ug duha  ka mga hamtong tungod sa paglapas quarantine protocols sama sa social distancing ug pagsul-ob og facemask.

"Sa side sa police, sa iyang version nangutana ko nga katong tulo daw naka violate, kauban atong minor ug katong iyang uyoan ug iyang iyaan nya ang isa gani na book gani, kay wala ga observe sa face mask ug social distancing," sigun ni Dela Cerna.

"Nya after kuno ato, gipatawag kuno niya ang minor para kunsoltahon kay naka violate lagi, mao tung pag-adto iya kuno gi advisan, nangayo kuno ug pasaylo, maoy version sa police ha,’ nya voluntary ni push up," dugang niya.

Giklaro ni Dela Cerna gipahimangnuan na niyang daan ang iyang mga sakop nga bawal ang pagsilot sa bisan unsang pamaagi sa mga makalapas sa protocol violators gawas sa pagpasaka og kaso.  Daan ng mipahimangno si Police Regional Office (PRO) -7 Director, Police Brigadier General Albert Ignatius Ferro nga gidili ang pagsilot sa mga malapason ug maayong pasakaan nalang og kaso. /IBM (BANATNEWS)