Pagbukas sa klase hayan di mahinayon sa Agosto 24

CEBU, Philippines — Tungod sa padayong pagsaka sa mga kaso sa novel coronavirus dinhi sa Cebu City, dunay posibilidad nga maoktaba nasab ang pagpahigayon sa klase sugod sa sunod buwan.

Si Senatdor Sherwin "Win" Gatchalian  kinsa maoy tsirman sa Senate Committee on Basic Education, Arts and Culture miingon nga kadtong mga dapit nga duna pa gihapoy daghang kaso hayan maoktaba ang pagsugod sa klase.

Bisan gani ang distance o remote learning (online classes) maglisod gihapon sa mga highly-infected areas.

"For example here in Cebu (City), if the situation will remain like this, may possibility even distance learning will be postponed. Kasi you have to remember ‘yung self-learning module, eto yung module na ibibigay sa bata, ide-deliver yan house to house. And that will expose our teachers as well expose our parents sa possibility of infection," si Gatchalian miingon.

Karon untang Agosto 24, 2020 magsugod ang bag-ong sistema sa pagtuon nga dili ang tradisyonal nga face-to-face classes kondili distance learning pinaagi sa self-learning modules nga ihatud sa mga magtutudlo diha sa mga balay sa mga bata.  Matud pa niya, kun sa ilang tan-aw peligro pa gihapon tungod sa gidaghanon sa mga natakboyan sa lugar, sila mismo ang morekomendar nga di una sugdan ang klase. The Freeman, Rowena Capistrano/IBM