COVID update: 91% sa COVID-19 cases sa CV asymptomatic
CEBU, Philippines — Anaa sa 91% o 6, 005 sa mga active cases sa coronavirus disease sa Central Visayas ang asymptomatic o walay sintomas nga gipakita sumala Department of Health sa Central Visayas
Sa datus nga gipagawas sa DOH-7, gikan sa 6, 588 nag active cases lukop rehiyon niadtong Hulyo 13, 2020, 5.2% niini o 348 ang adunay mild symptoms, 184 (2.8%) ang severe ug 51 (0.8%) ang critical.
Ang 2, 811 ang na-admit sa tambalanan samtang 3, 777 ang anaa sa isolation facilities.
Sa pagkakaron anaa sa 12, 327 ang total confirmed cases sa COVID-19 sa Central Visayas human nga 214 ang nadugang nga kaso gikan sa 1, 127 ka laboratory test results nga nigawas niadtong Hulyo 13, 2020 ug ang 17 niini mga repeat test.
Sa mga bag-on kaso niadtong adlawa, 82 niini ang sa Cebu city, 35 ang Mandaue City, 17 sa Lapu-Lapu City, 79 sa Cebu Province, ug usa (1) sa Negros Oriental.
Base sa maong datus, ang Cebu City adunay kinatibuk-ang 7, 520 ka mga kaso sa covid-19 kon diin 3, 338 ang active. Ang Mandaue City adunay 1, 311 ka confirmed cases, 856 aang acitve.
Ang Lapu-Lapu City adunay 823 ka active cases gikan sa 1, 268 nga running total samtang ang Cebu Province, anaa sa 1, 515 ang active cases gikan sa 2, 118 nga kinatibuk-ang kompirmado nga kaso sa coronavirus disease.
Ang Negors Oriental adunay 41 ka aktibong kaso gikan sa 64 nga total conformed cases samtang ang Bohol, 45 ang natala nga kaso kon diin 15 ang active cases.
Samtang 5,187 na usab ang naka-recover gikan sa maong virus samtang 552 ang natala nga namatay.
Sa Talisay City, mas daghan ang nakarekober itandi sa bag-ong natalang nagpositibo sa COVID-19 sumala pa sa post sa City of Talisay Pulic Information Office.
Sumala pa nga siyam ang bag-ong nagpositibo samtang 31 ang nakarekuber sa virus. Gisugdan dayon ang contact tracing sa mga nagpositibo ug gibutang na sila sa isolation. Gabriel Bonjoc/IBM (BANATNEWS)
Related video:
- Latest