PRO-7 director milibot sa Region 7 gamit ang helicopter

CEBU, Philippines — Nipahigayon ug survey si Police Regional Office 7 Regional Director Police Brigadier Albert Ignatius Ferro, sakay sa ilang police helicopter kagahapon.

Unang gibisita ni Ferro ang probinsya sa bohol ug lakip sa ilang gilibot mao ang metro cebu.

Matud pa ni Ferro tinguha nila nga himoon ang paglibot gamit ang helicopter police aron masuta ang kinatibuk-ang kahimtang sa kahapsay og kalinaw sa mga lugar sa central visayas ug sa mga silingan nga rehiyon..

Dugang pa ni Ferro, tinguha usab nila karon nga dugangan og helicopter ang central visayas aron paggamit sa ilang monitoring.

Ang Special Action Force maoy officer in charge sa maong helicopter ug ang pilot gikan sa PNP ang moduma     niini.

Atol sa paglupad sa maong helicopter una niining gbisita ang troops sa panglao bohol ug pipila ka mga lugar sa habagatan ug amihanang bahin sa sugbo.

Namatikdan sa kapolisan atol sa ilang paglibot libot nga hingpit na nga napatuman ang mga lagda sa enhanced community quarantine ECQ  sa mga lugar sa dakbayan sa sugbo.

Ang maong helicopter mahimo usab magamit sa mga dagkong kalihukan sama sa search and rescue operation, ug uban pa. /MEL (BANATNEWS)