Mga Katoliko gi-awhag sa pagtamod sa health protocols pagtambong og misa

CEBU, Philippines — Gipahinumduman ang mga Katoliko sa pagtamod sa mga health protocols isip timaan sa kristohanong mithi, taliwala sa pagbukas sa mga simbahan nga ubos sa Modified General Community Quarantine MGCQ.

Ang Vice Chair sa Archdiocesan Commission on Worship sa Archdiocese of Cebu Fr. Japheth Geozon, niawhag sa katawhan nga mosunod ug mokooperar sa guidelines nga gilatid sa gobyerno aron malikayan ang pagkatap sa coronavirus disease.

Giawhag usab ni Geonzon, ang katawhan nga mohalad ug pangaliya sa kaayohan gikan sa coronavirus pandemic nga maoy mithi sa tinuod nga kristyanos.

Sumala pa ni Geonzon, kung mahimo sa tawo ang pagpangaliya uban sa kooperasyon sama sa pagsul-ob og facemask, gihimo na niini ang tahas ug bokasyon sa pagka Kristyanos.

Sa nasayran gitugtan na nga makatambong og misa sa mga simbahan ang mga Katoliko ilabi na kadtong napaubos na sa modified general community quarantine.

Apan gikinahanglan gihapon ang estrikto nga pagpatuman sa mga health protocols aron kalikayan ang dugang pagkatap sa COVID-19. /MEL (BANATNEWS)