Blood plasma donation program ipadayon sa PRO-7 alang sa mga COVID-19 patients

CEBU, Philippines — Gipasalig sa Police Regional Office PRO-7 nga magpadayon ang Blood Plasma Donation Program ngadto sa mga pasyente sa COVID19 ilabi na kadtong grabe ang kahimtang.

Kini maoy gibutyag ni PRO7 Director Police Brigadier General Albert Ferro diin adunay pipila nga mga COVID19 patient ang nangayo og blood plasma aron nga maka recover sa sakit.

«We will continue the Malasakit Program by giving Blood Plasma for Free sa mga nangangailangan»matud pa ni Ferro atol sa virtual presser.

Nasayran ang 137 ka polis nga naka recover sa covid-19 andam kini nga mohatag og libre sa ilang blood plasma.

Gihimug-atan sab ni Ferro nga ang panerbisyo sa kapolisan dili lang ang paghatag og seguridad sa publiko kun di lakip na usab ang pagtabang sa mga nanginahanglan sa katawhan.

Sa nasayran segun sa mga doctor nga ang paghatag og blood plasma therapy ngadto sa mga pasyente nga dunay covid-19 makatabang alang sa kaayohan sa mga pasyente.  

Ang nagtinguha nga makapahimus sa blood plasma donation mamahimo lang nga mo- contact sa kapolisan sa region 7. Samtang nanawagan usab ang PRO-7 director niadtong mga naka rekober sa covid-19 nga modonar usab sa ilang blood plasma. /MEL (BANATNEWS)