Coach Mike nabagsik sa Cobras
Emmanuel B. Villaruel (Banat) - July 12, 2020 - 12:00am

CEBU, Philippines — Kadaghan na makampiyon si Mike Reyes isip assistant coach ni Raul 'Yayoy; Alcoseba uban sa M. Lhuillier Kwarta Padala Cebu Jewelers sa ilang panahon sa commercial basketball.         

Gitabid sab siya ni Alcoseba sa dihang ang naulahi gikuha nga head coach sa Southwestern University (SWU)-Phinma Cobras niadtong 2011.

Gibuntog sila sa University of Cebu (UC) Webmasters nga gipangulohan sa higanteng si June Mar Fajardo sa unang nilang tuig, apan namawi sila si Alcoseba ug Reyes pinaagi sa pagtuboy sa Cobras ngadto sa titulo sa CESAFI niadtong 2012.

Sa dihang si Alcoseba mibiya sa SWU aron dad-on ang UC Webmasters, si Reyes awtomatik nga maoy mihulip sa iyang dapit niadtong 2017.

Human sa duha ka tuig nga paningkamot ug sakripisyo, natagamtaman na gyud ni Reyes ang kalampusan isip head coach sa labing unang higayon sa CESAFI sa miaging tuig.

Si Reyes ug ang Cobras mipalayas sa three-time defending champion UV Green Lancers sa ilang trono aron langkaton ang labing una nilang korona sud sa lima ka tuig.       

Ubos sa pagpangu nilang Senegalese import Lamine Thiam ug season MVP Sir Shaquille Imperial, ang lain pang mga sakop sa SWU-Phinma Cobras 2019 CESAFI champion team mao sila si William Rosebelt Polican, Red Louis Cachuela, Allyn Dyll Roncal, Gerald Fernandez, Louie Jay Nazareno, Harvey Kent Sanchez, Heider Bilao, Rheyeb Ian Boc, Throy Joshua Cabahug, King Matthew Cabansay, John Joseph Evardo ug Kenneth Macasarte,  Matud pa ni Reyes nga ang duha ka tuig nilang pagkayod inabagan sa hugot nga suporta sa SWU-Phinma management nakatabang og dako sa mabungahon nilang kampanya.

"Our first two losing years propelled us to the much needed maturity of the team. Perseverance, hard work and humility of our players were a key factor and of course Lamine Thiam plus the full support of SWU-Phinma management," matud pa ni Reyes. Nagkanayon si Reyes nga nindot ang paminaw nga nakadaog siya og kampiyonato sa labing unang higayon isip head coach, apan labaw siyang mapasigarbuhon sa pahulma og dili lamang dekalibreng mga atleta kondili hasta sab mga hait nga estudyante.

"I felt fulfilled and satisfied. When coach Yayoy resigned, the school's direction was to develop full-time student athletes with emphasis on 'student'. The team's first two losing years was a testimony towards that goal. If I am not mistaken, malaki ang pinagbago mga grades ng players namin," dugang pa ni Reyes.

Dili hinuon makadepensa sa ilang titulo ang Cobras gumikan kay gikanselar man sa CESAFI ang tibuok niining 2020 season gumikan sa kalibutanong pandeminya, apan gilantaw kini nga konsolasyon ni Reyes samtang sila nangandam sa umaabot.

"At least we're aware that we can't defend our championship. Our consolation is that we will keep the title for another year," pung pa ni Reyes. "The best we can all do is to prepare and equip ourselves for the coming months or years." 

MIKE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with