Probinsya sa siquijor pabiling COVID-free
CEBU, Philippines — Nagpabilin nga COVID Free ang Probinsya sa Siquijor bisan pa man nga ang Central Visayas maoy dunay labing taas og kaso sa coronavirus disease (COVID19).
Gibutyag ni Siquijor Provincial Police Office (SPPO) Police Colonel Engelbert Soriano nga istrikto ang ilang pagmonitor sa mga mosulod sa isla sa Siquior.
Suma pa ni Soriano nga usa nga naka advantage nga walay kaso sa covid-19 ang probinsya tungod sa nahimutangan sa isla nga anaa sa tunga-tunga sa Mindanao ug Visayas ingon man usa lang ang agianan pasulod sa isla nga gikan ra sa Dumaguete.
Gihulagway usab niya nga almost normal ang kinabuhi sa isla apan istrikto gihapon ang pagpatuman sa social distancing ingon man sa pagsul-ob og face mask. “Health protocols are in effect but the situation here is almost normal,” matud pa ni Soriano.
“Aside from the strict quarantine measures set by the local Inter-Agency Task Force, the nature of the island could be the reason why it remained COVID free. The island is accessible only by sea so it is very easy to monitor the people coming in,” dugang pa ni Soriano.
Sa kinatibuk-an sa populasyon sa Siquijor nga adunay 134 ka barangay, 6 ka munisipyo ug 106 mil ka mga tawo diin hamugaway ug andam ang mga quarantine facilities alang sa mga locally stranded individuals ug turista.
“You cannot hear complaints from those staying in quarantine facilities. There are 81 quarantine facilities that are located by the beach. The accommodation and food are shouldered by the province,” gibutyag pa ni Soriano.
Gawas sa pasilidad alang sa mga LSIs aduna usab giandam ang Probinsya nga quarantine facilities alang sa mga frontliners. /MEL (BANATNEWS)
- Latest
