Giordinahan taliwala sa pandemiya
CEBU, Philippines — Natigayon ang ordinasyon sa usa ka bag-ong pari sa Archdiocese of Cebu taliwala sa pandemiya sa coronavirus.
Si Rev. Fr. Neil Javier Cortes giordinahan kagahapon sa buntag sa National Shrine of St. Joseph sa Dakbayan sa Mandaue nga gipangulohan ni Archbishop Jose Palma.
Unang higayon kini nga wala gihimo sa Cebu Metropolitan Cathedral ang ordinasyon.
Kini tungod kay ang Dakbayan sa Mandaue ubos man sa general community quarantine ug pipila lang sa kabanay ni Cortes ang gitugutan nga makatambong sa kalihukan tungod sa gitamod nga protocols.
Matud ni Palma nga ang ordinasyon nagpahinumdum sa katawhan nga ang Sugbo usa ka relihiyoso ug bisan sa COVID-19 angayan gihapon mosalig ang katawhan sa Ginoo.
Alang kang Javier makahuluganon ang maong ordinasyon tungod kay diha atubangan sa iyang personal patron saint nga si San Jose kinsa ang kapistahan niini mao usab ang iyang adlaw nga natawhan. /GMR (BANATNEWS)
- Latest
