Mga health care professionals nanginahanglan og tabang
CEBU, Philippines — Nagkinahanglan og assistance kon tabang ang mga Health Care Professionals sa mga pribadong tambalanan sa Dakbayan sa Sugbo.
Kini ang nasuta ni Environment Secretary Roy Cimatu human sa iyang paglibot sa mga tambalanan sa syudad aron pagsusi sa mga panginahanglan niini.
Si Cimatu, nibutyag nga ang mga Health Care Professional nga nagtrabaho sa maong mga ospital nagkinahanglan ug tabang gumikan kay ubos ra ang ilang gidawat nga suhulan itande sa mga nagtrabaho sa gobyerno nga tambalanan.
Nasuta nga ang mga nurse sa kagamhanan nag sweldo ug 28 mil pesos matag bulan samtang sa mga private hospital nagsweldo lang kini og 15 mil pesos ang matag bulan.
Gisusi ni Cimatu ang labing minus siyam ka mga pribadong tambalanan sa siyudad aron sa pagsuta sa status sa Bed Capacity sa mga Dedicated Covid Cases ug sa moral sa mga Health Care Workers.
Sumala pa ni Cimatu, nakita niya nga adunay 569 ka mga beds ug 77 ka mga available intensive care units slot alang sa covid-19 patients sa siyam ka mga private hospitals. Kini nagpasabot nga ang mga private hospitals maka accommodate ug 646 ka covid patients.
Si Cimatu kinsa maoy gitahasan ni Presidente Rodrigo Duterte nga maoy motanaw sa sitwasyon sa pagkatap sa COVID-19 dinhi syudad, nakigtigum sa mga nagdumala sa tambalanan aron masayran ang mga panginahanglan ug mga problema nga ilang giatubang ug mahatagan gilayon og kasulbaran. /MEL (BANATNEWS)
- Latest