COVID-19 update: Kaso sa COVID-19 sa CV dul-an 10 mil na

CEBU, Philippines — Dul-an na sa 10 mil ang nangatakdan sa novel coronavirus disease (COVID-19) sa tibuok Central Visayas niadtong Hulyo 4 sumala sa Department of Health (DOH-7).

Ang 6, 151 niini ang active cases, 3, 479 ang naka-recover na ug 364 ang namatay.  Niadtong Hulyo 4, gikan sa 1, 558 ka laboratory results, 290 niini ang bag-ong kaso ug 21 ang repeat test.

Hinuon mamahimo pa kining mausab tungod nagpadayon pa ang validation ug pag update sa data base sa ahensya.

Sumala sa DOH-7, sa mga active cases niadtong adlawa, 3, 588 ang sa Cebu City; 731 sa Mandaue City; 687 sa Lapu-Lapu; 1, 093 sa Cebu Province; 23 sa Negros Oriental ug 29 sa Bohol.

Ang lalawigan sa Siqujor maoy nagpabilin nga Covid-free sa tibuok Central Visayas.  Sa mga active cases, 2, 492 ang na-admit sa tambalanan samtang 3, 659 ang anaa sa isolation centers.

Cebu City

Dugang 152 ang nadugang nga kompirmadong nataptan sa COVID-19 sa Cebu City base sa gipagawas nga datos sa Cebu City Health Department.

Ang mga kaso gikan sa Apas 13, Bacayan 4, Banilad 3, Basak Pardo 1, Basak San Nicolas 5, Bo. Luz 2, Bonbon 1, Budlaan 2, Bulacao 1, Busay 1, Cambinocot 1, Camputhaw 7, Capitol 23, Carreta 1, Ermita 1, Guadalupe 14, Guba 1, Hipodromo 3, ug Inayawan 2.

Duna say kaso natala sa Kalunasan 1, Kasambagan 3, Labangon 3, Lahug 14, Lorega 4, Mabolo 2, Mambaling 5, Pahina Central 3, Pardo 3, Punta Princesa 3, Quiot 6, Sambag-2 3, San Antonio 3, San Jose 1, San Nicolas Proper 2, Sta. Cruz 2, T. Padilla 2, Talamban 3, Tisa 1 ug 2 unverified.

Hinoon, usa ra ang natala nga nakalas sa virus nga gikan sa Barangay Ermita. Samtang ang nangaayo anang adlawa 90 gikan sa Basak San Nicolas 11, Bulacao 1, Calamba 27, Cogon Ramos 4,Guadalupe 2, Labangon 3, Sambag-2 3, Sawang Calero 37, Talamban 1 ug Tisa 1.

Base sa datos kagahapon Hulyo 5, 2020 ang Cebu City dunay 6,142 total confirmed cases diin 2,688 niini ang total active cases ug 3,233 ang total recoveries ug 221 ang patay.

Nasud

Ang DOH nakatala og dugang 2,434 ka pasyenteng dunay COVID-19, maong niabot na tanan og 44,254 ang talaan sa mga natakboyan. Apan 11,942 na ang nangaayo samtang 1,297 ang nakalas. Kun kuhaon ang mga nakalas ug nangamatay, ang Pilipinas adunay 31,015 ka aktibong kaso sa tibuok nasud.

Sa nadugang nga 2,434 ka bag-ong pasyente ang 1,147 lang niini ang bag-o, ang uban uwahi na nigawas ang resulta. Decemay P. Padilla Philstar.Com/IBM