PJ Garcia nilusad og programa sa panginabuhi
CEBU, Philippines — Alang sa mga gustong magsugod sa ginagmay nga negosyo sa ikatulong distrito, si Kongresista Pablo John Garcia nilusad og #PanginabuhiJud nga programa.
Kini maghatag og puhunan sa mga gusto magsugod sa ilang negosyo.
“Tumong ani nga programa ang pagtabang sa mga lumolupyo nga buot mag-abli og ilang negosyo, ug sa mga may negosyo na daan nga naapektaran sa COVID-19 crisis,” matud sa pablojohngarcia.org.
Kwalipikado nga mo-apply niini ang mga residente sa ikatulong distrito nga nag-edad og 18-anyos pataas ug gusto magnegosyo og sari-sari store, sago, gulaman, barbeque stand ug uban pang microbusinesses.
Usa ka sakop sa matag panimalay ang mamahimong maka-apply.
Kinahanglan adunay valid identification, barangay certificate o clearance ug application form kun diin adunay mga pangutana nga kinahanglan tubagon sa aplikante.
Adunay komitiba nga maoy mopili kun kinsa ang makabenepisyo sa maong programa. /GMR (BANATNEWS)
- Latest
