561 ka tinun-an sa Camotes nahatagan og scholarship

CEBU, Philippines — Moabot sa 561 ka tinun-an sa upat ka lungsod sa Isla sa Camotes ang nahatagan og scholarship sa buhatan ni Kongresista Vincent Franco “Duke” Frasco sa ikalimang distrito sa Lalawigan sa Sugbo.

Sa Facebook page sa kongresista, gipahibawo niini nga moabot sa P2.3 milyones nga kantidad sa scholarship ang gihatag sa mga tinun-an sa San Francisco, Poro, Tudela ug Pilar.

“The distribution of scholarship was delayed since March due to the imposition of ECQ and limited movement, but just as we have shifted to MGCQ, we are soldiering on and finding ways to make good on our promise to help the education of our youth,” matud ni Frasco.

Matud ni Frasco nga ang maong scholarship program isip pamaagi na usab aron matabangan ang mga tinun-an nga maka-adjust sa new normal ilabi na sa ikalimang distrito. /GMR (BANATNEWS)