Mga konsehal giawhag nga suportahan ang IATF- Cebu
CEBU, Philippines — Giawhag ni Cebu City Vice Mayor Michael Rama ang tanang miyembro sa 15th Sangguniang Panglungsod (SP) nga hingpit nga suportahan ang grupong gipadala ni Presidente Rodrigo Duterte pinangulohan ni Secretary Roy Cimatu aron motabang alang sa pakigbatok sa COVID-19.
"As we individually and collectively follow the basic protocol of fighting against COVID-19, such as wearing masks, washing hands, social distancing, and staying at home, we shall also support them in containing the movement of local residents and discouraging unnecessary travels during this ECQ (enhanced community quarantine)," sigun ni Rama sa iyang privilege speech kaniadtong Biyernes.
Giila ni Rama ang 12 ka barangay nga adunay labing daghan nga aktibo nga mga kaso. Matud niya maong gitutokan sa nasudnong kagamhanan ang Cebu City tungod kay mao nalang kini ang nagpabiling ubos sa ECQ sa tibook nasud.
Si Cimatu, Environment Secretary ug retirado nga heneral, gimandoan sa pangulo nga maoy modumala sa COVID-19 response sa Sugbo. Dugang ni Rama, kinahanglang maghiusa ug sundon ang tukmang mga proseso ehekutibo ug lehislatibo nga departamento aron magmalampuson ang tinguhang pagpahunong sa pagkatap sa virus sa dili pa ang Hulyo 15, 2020. /IBM (BANATNEWS)
- Latest
