Fire clearance mahimo na makuha sa sub-stations
Decemay P. Padilla (Banat) - July 5, 2020 - 12:00am

CEBU, Philippines — Mahimo na nga makalukat og Fire Safety Evaluation Clearance sa mga fire sub-station isip rekisito sa pag-renew sa mga business permits sa Dakbayan sa Sugbo.

Kini ang gipahibawo ni Senior Fire Officer 2 Wendel Villanueva, public information officer sa Cebu City Fire Station aron malikayan ang tapok sa tawo.

Tuyo sab niini nga ma-obserbar ang social distancing ilabi na karon nga dunay hulga sa coronavirus disease 2019 ug ubos pa sa enhanced community quarantine ang dakbayan.

Sigun pa ni Villanueva nga tumong sab niini aron mas duol sa mga tawo ilabi na karon nga wala pay kasakyan ug aron dili na sila maglisud.

Ang mga negosyante sa Capitol Site, Guadalupe, Kalunasan ug Sapangdaku adto sa Guadalupe Fire Sub Station; sa Basak Pardo, Bulacao, Cogon Pardo, Inayawan, Kinasang-an, Poblacion Pardo, Quiot Pardo, Sinsin ug uban pa adto sa Pardo Fire Sub-Station.

Ang Buhisan, Calamba, Labangon, Mambaling, Punta Princesa, Tisa, Toong ug Pamutan adto sa Labangon Fire Sub-Station.

Ang Basak San Nicolas, Duljo Fatima, Ermita, Pahina San Nicolas, Pasil, Sawang Calero, San Nicolas Proper ug Suba adto sa San Nicolas Fire Sub-Station.

Mga Barangay Adlaon, Agsungot, Bacayan, Banilad, Binaliw, Cambinucot, Guba, Lusaran, Mabini, Pit-os, Pulangbato, San Jose, Talamban, ug Paril adto sa Talamban Fire Sub-Station.

Ang Barangay Apas, Hipodromo, Kasambagan, Babag, Busay, Pung-ol Sibugay, Sirao, Sudlon, Tabunan, Tagbao, Bonbon adto sa Lahug Fire Sub-Station.

Gumikan kay ang Mabolo Fire Sub-Station ang mga barangay nga sakop niini sama sa Barrio Luz, Carreta, Cebu Port Center ug Mabolo adto sab molukat sa Lahug Fire Sub-Station.

Samtang temporaryo unang gihunong ang processing sa business permit renewal sa Pahina Fire Sub-Station ug Parian Fire Sub-Station tungod kay kini gi-lockdown.

Pwede sab mosumiter sa mg rekisitos pinaagi sa online pinaagi sa fseufsic@gmail.com. Ang mga fire sub-stations dunay customer relation officer. /GMR (BANATNEWS)

FIRE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with