12 ka bombero natakboya’g COVID-19
CEBU, Philippines — Dose ka mga sakop sa Bureau of Fire Protection sa Cebu City ang kompirmadong nataptan og novel coronavirus disease (COVID-19) sumala pa sa ilang tigpamaba nga si Senior Fire Officer 2 Wendel Villanueva.
Ang mga nagpositibo gi-isolate na karon sa Pahina Fire Sub-Station, hinoon sa 12 nga nag-positive ang tulo niini ang naka-recover na ug ang uban padayon pang nagpaayo.
“Usa pud maayo ning mahibawo ang publiko nga atong gi-manage ang sitwasyon ug kada naay sunog nga among tubagon basin magtuo ba nga unsa man ning bombero mao man ning manakod hinuon.
No, kanang naay mga kaso ma-positive sila ato gyud na sila gi-isolate, there’s never an instance nga pagawson nato sila aron pag-respondehon,” pasabot ni Villanueva.
Ang Cebu City dunay siyam ka fire sub-stations nga gilangkuban sa Talamban, Lahug, Mabolo, Parian, San Nicolas, Guadalupe, Labangon, Pardo ug Pahina.
Sa siyam ka sub-stations tulo niini ang gi-lockdown nga mao ang Mabolo, Pahina ug Parian.
Dunay paigong bombero
“Wala kay tay kabalak-an in terms of our fire-fighting operations kay unya plus the fact we have a very strong support system from our Barangays kay kani atong Barangay Fire Volunteer Brigades are very active also so they are our support group,” dugang ni Villanueva.
Ang Cebu City Fire Station nipahigayon og adbokasiya nga gitawag og “Stay from away from us, stay away from you” ilabi na atol sa firefighting operations kay ilang gilikayan nga dili matakdan sa COVID-19 ang mga bombero ug aron sab malikayan nga sila makatakod ilabi na dili mahibaw-an kinsay carrier sa virus.
Duna sab silay decontamination team nga moatiman sa mga bomberong miresponde sa sunog aron sila malimpyo, naghatag sila’g vitamins ug facemasks.
Ang BFP sa Cebu City mipahigayon og rekorida sa 12 ka barangay nga dunay kinadaghanang kaso sa COVID-19 aron mapasabot ang mga tawo bahin sa health protocols ug paglikay sa sunog. /IBM (BANATNEWS)
- Latest
