Bed capacity sa mga hospital sa siyudad sa sugbo i-monitor
CEBU, Philippines — Giawhag ang mga pribado ug publiko nga mga tambalanan sa Dakbayan sa Sugbo nga mosumiter og daily report sa ilang bed capacity ngadto sa kagamhanan sa siyudad.
Ubos sa bag-ong executive order ni Mayor Edgardo Labella, nimando kini sa mga hospital pagsumiter sa total regular bed capacity, expanded coronavirus bed capacity, intensive care unit bed capacity ug dedicated Covid ICU bed capacity.
Ang EO sa Mayor alang kini sa Level II Quarantine Centers apil sa Cebu City Quarantine Center, Bayanihan Sacred Heart School Field Center, IEC Pavillion Field Center ug New Normal Oasis for Adaptation and a Home (NOAH) Complex.
Ang mayor nitug-an nga ang maong taho makatabang sa siyudad sa pag-monitor sa critical utilization rate sa medical facilities ug pagseguro nga dili magsugwak ang hospital sa kaso sa COVID-19.
Usa sa mga concerns ni Secretary Roy Cimatu sa pagkatap sa infection sa virus sa siyudad hinungdan nga kinahanglan hatagan kini og mga pagtubag aron kini mokibhang. /GMR (BANATNEWS)
- Latest