Duterte magpapatawag ng special session
MANILA, Philippines — Nakatakdang magpatawag ng special session ng Kongreso si Pangulong Rodrigo Duterte upang maipasa ang Bayanihan to Recover As One Act o Bayanihan 2 na panukalang stimulus package para sa COVID-19 response at recovery efforts ng pamahalaan.
Ayon kay Presidential Spokesperson Harry Roque, kabilang sa mga isasama sa bagong batas ang pagkuha ng nasa 50,000 contract tracers na mahalaga sa pagbubukas ng ekonomiya.
Hihilingin ng Executive branch sa Senado at House of Representatives na mag-convene para sa special session kapag natapos na ang mga detalye sa stimulus package.
Pero nilinaw ni Roque na wala namang timelime para sa gagawing pagpapatawag ng special session.
Idinagdag din ni Roque na dapat maipasa ang bagong batas kung saan maraming nakapaloob na benepisyo lalo na sa mga health workers.
Dahil special session, nakatitiyak si Roque na gagawin ito bago ang State of the Nation Address ni Duterte.
Related video:
- Latest
