54 ka tawo lakip sa kapitan gipasakaan og kaso
Sheriza Mae R. Uy (Banat) - July 2, 2020 - 12:00am

CEBU, Philippines — Pormal na nga napasakaan og kaso sa Cebu Provincial Police Office (CPPO) ang 54 ka indibidwal ug opisyal sa barangay human sa gipahigayon nga tigbakay sa Lungsod sa Tabogon.

Lakip sa gipasakaan og kaso si Kapitan Herberto Lobitaña sa Barangay Kal-anan sa maong lungsod ug ang 53 ka indibidwal nga nadakpan atol sa operasyon sa kapolisan.

Matud sa direktor sa CPPO Police Colonel Rhoderick Mariano nga apil nila nga gipasakaan og kaso si Lobitaña tungod kay wala kini makabadlong sa mga lumulupyo diin ilang nasuta nga kanunay kini nga magpahigayon og tigbakay sa maong barangay bisan nga gipaubos sa general community quarantine (GCQ) ang probinsiya.

Si Mariano natahap nga nakahibawo ang mga opisyal sa barangay kabahin sa ilegal nga kalihukan diha sa ilang lugar apan wala sila mohimo og aksiyon batok niini.

“As per report sa mga naglalaro doon a long time na nagkakaroon ng sabong doon so they don’t think na hindi niya alam ang mga tigbakay doon sa area niya kaya sinama na rin natin siya sa kaso”, pasabot ni Mariano.

Gibutyag ni Mariano nga kasong kriminal ug administratiba ang ipasaka sa kapolisan batok kang Lobitaña diin ilaha kining iduso sa lokal nga kagamhanan sa maong lungsod.

Si Mariano nagkanayon nga mga opisyal sa barangay niining panahon sa pandemic mao ang mobadlong kong adunay mabantayan nga nakalapas sa quarantine protocols aron mapugngan pa ang pagkatap sa virus.

Dugang ni Mariano nga wala magkuwang ang kapolisan diin kanunay silang nagpahibawo pinaagi sa rekorida diha sa kalungsoran kabahin sa hugot sa pagdili sa tapok-tapok. /BDB (BANATNEWS)

CEBU PROVINCIAL POLICE OFFICE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with