Tawason pabiling COVID-free barangay sa Mandaue
Romeo T. Limpangog (Banat) - July 2, 2020 - 12:00am

CEBU, Philippines — Nagpabilin nga coronavirus disease 2019 (COVID-19)-free ang Barangay Tawason sa Dakbayan sa Mandaue samtang ang Barangay Subangdaku sab ang nag-una sa dunay labing daghang kaso sa 27 ka barangay sa dakbayan.

Base kini sa labing ulahing post sa Facebook sa Mandaue City Public Information Office (PIO) nga nagtala sa Subangdaku og 51 ka aktibong kaso sa COVID-19.

Gisundan kini sa 37 nga aktibong kaso sa Barangay Looc samtang ang Barangay Tabok ang ikatulo nga dunay 31 ka pasyente.

Ang ikaupat nga barangay nga dunay daghang aktibong kaso sa COVID-19 mao ang Barangay Banilad nga nagtala og 28 ka aktibong kaso ug ikalima ang Alang-Alang ug Pagsabungan nga managsama ang gidaghanong natala nga 25 ka aktibong kaso.

Ikaunom nga barangay sa Dakbayan sa Mandaue nga labing daghang natala nga aktibong kaso sa COVID-19 ang Barangay Umapad nga nagtala og 20 ka aktibong kaso ug ikapito ang Barangay Labogon nga nakatala og 19 ka aktibong kaso samtang ang Canduman ug Ibabao-Estancia ang managsama nga nagtala og 16 ka aktibong kaso sa COVID-19.

Samtang ang Barangay Casili ug Tipolo nga managsama nga nagtala og 12 ka aktibong kaso sa COVID-19 ug labing gamay usab nga natala ang Barangay Guizo nga adunay upat ka kaso ug duha usab ang natala sa Barangay Tingub sa maong dakbayan. /GMR (BANATNEWS)

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with