Unang kaso ng COVID-19 naitala sa Cabiao

NUEVA ECIJA, Philippines — Nakapagtala na ng unang positibong kaso ng COVID-19 ang bayan ng Cabiao, dito matapos na ianunsiyo ng Nueva Ecija Inter-Agency Task Force (NE-IATF) kahapon.

Dahil dito, umakyat na sa 74 ang bilang ng kumpirmadong kaso ng COVID-19 sa buong lalawigan ng Nueva Ecija.

Ayon kay Nueva Ecija Gov. Aurelio Umali, na siya ring pinuno ng NE-IATF, ang panibagong kaso ay si Patient #74 na 34-anyos na lalaki, isang seafarer, at nakatira sa Barangay San Roque, Ca­biao, N.E.

Ang pasyente umano ay may travel history sa Manila at ngayon ay na­ka-strict home quarantine na.

Sa pinakahuling datos ng DOH-NE, nana­natili sa 62 katao ang na­ita­lang nakarekober at habang tatlo ang nasawi sa COVID-19.