Show cause order ... Gihatud kagahapong adlawa sa DILG-7 ang show cause order batok ni Calamba Brgy. Captain Victor Quijano Jr. tungod sa paglapas sa mga taga Sitio Mahayahay 1 sa health protocols.
Hinatag nga hulagway gikan sa DILG-7
Nag-disko sa Calamba nailhan
Decemay Padilla (Banat) - July 1, 2020 - 12:00am

CEBU, Philippines — Walay kasayuran si Calamba Barangay Captain Victor ‘Jojo’ Quijano Jr. sa gibuhat sa pipila ka mga residente sa Sitio Mahayahay 1 nga nag-inom, nag-disko ug wa mosunod sa social distancing niadtong Sabado ug Domingo atol sa ilang pista.

Nahitabo kini usa ka adlaw human nga nag-viral sab ang pag-Sinulog sa usa ka sitio sa Brgy. Basak San Nicolas nga niresulta sa pagpasaka og kaso batok sa ilang kapitan og laing 14 ka mga tawo.

Si Cebu City Mayor Edgardo Labella mimando sa pagpaimbestigar ug pagpaesplikar kang Quijano sud sa 24 oras sa maong paglapas sa ECQ protocols.

Ang Department of Interior and Local Government (DILG)-7 pinaagi ni Joined by DILG Assistant Secretary for Public Security and Safety, Alexander Macario ug DILG-7 Director Leocadio Trovela, DILG-Cebu City Officer-in- Charge ug LGMED-7 Chief, Atty. Ian Kenneth Lucero nihatud sab og show cause order  kang Quijano kagahapon sa hapon.

Samang show cause order sab ang giisyu sa DILG-7 batok ni Basak-San Nicolas Punong Barangay Norman Navarro tungod sa prosisyon nga giapilan og Sinulog niadtong Hunyo 27.

Una niini, nag-viral sa social media ang mga hulagway ug mga videos sa mga tawo sa Sitio Mahayahay 1 nga nag-disco ug wala gyud mosunod sa social distancing kay nagsaulog sila sa ilang pista.

Si Quijano mibutyag nga adunay lima ka positive cases sa COVID-19 ang maong sitio. Matud pa niya, walay pagtugot kaniya ang maong kalihokan.

“Ga-novena ni sila diha sa kapilya, before sa novena kay fiesta lagi dunay nag-inom sa kilid, paghuman sa novena nila, nagbunok ang ulan pagkahuman sa bunok sa uwan didto nigawas gasayaw-sayaw ang mga tawo, igo sad nahuman ilang novena, pero dili gyud na sound system what we called sound system kanang dagko, ilang gigamit kanang sound system sa kapilya,” pasabot ni Quijano.

Sumala pa niya nahibawo lang siya dihang nag-viral na sa social media ang videos ug mga hulagway.

Mga superman

Nasayran nga gipangdakop na matod pa ang nilapas sa ECQ ug gihatod nila kini sa Police Station 6 ug duna nay Special Action Force nga nakabantay sa lugar.

“The Barangay never tolerate anang ingon ana kanang naay fiesta, in fact kanang fiesta diri maghangyo gani mag procession wala nako tugti gani,” matud ni Quijano.

Nasagmuyo si Quijano sa nahitabo tungod kay kahibawo ang tanan didto nga dunay nag-positive sa ilang lugar.

“Wala man gyud ta nitugot ana naa ng kalingawan, in fact kanang gibuhat nila karon mismo ang Presidente sa Kapilya wala kabadlong, mismo Konsehal diha wala gani kabadlong. Gawas nga gahi og ulo ang ilaha lang gyud mura tingali ilahang huna-huna murag mga Superman tingali sila,” dugang sa kapitan. Si PRO7 Director Police Brigadier General Albert Ferro miingon nga nailhan na nila kinsa ang mga naa sa video ug giandam na ang kasong kriminal batok kanila.

Way kahadlok

Gihulagway sab ni Ferro nga daw sa walay gikahadlokan nga virus ang mga tawo nga nanayaw ug nanag inom taliwala sa ECQ.

“It will be a direct filing because we cannot arrest them anymore because hindi man on the act inflagrante delicto wala tay basis for a warrantless arrest so what will be doing is just a simple direct filing,” matud pa ni Ferro.

Nasagmuyo si Ferro nga bisan sa paningkamot sa kapulisan nga mabalik na sa normal ang kinabuhi sa mga Sugboanon apan adunay pipila nga gahi pasabton.

Madugay pa

Nabalaka siya nga kung padayon nga dili motuman ang katawhan nga magpuyo lang una sa ilang panimalay mas madugay nga mabalik sa normal ang siyudad.

Giangkon sa kapulisan nga dili na nila maabot ang mga sudlonon nga mga barangay sa ilang pag roving tungod sa kadaghan sa mga dapit nga apektado sa virus. Apan gihangyo niya ang katawhan Ferro sa  pagkooperar.

Giangkon niya nga husto ang gipamahayag ni President Rodrigo Duterte nga daghang “gahi’g ulo” sa dakbayan hinungdan nga padayon ang pagsaka sa mga natakboyan.  Rowena Capistrano ug Sheriza Mae Uy/IBM (BANATNEWS)

CALAMBA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with