Lockdown … Nagpatrolya kining mga sakop sa Special Action Force diha sa Brgy. Duljo-Fatima sa Cebu City nga usa sa mga gipahugtan og pagbantay kauban sa laing onse ka barangay nga dunay kinadaghanan og kaso sa novel coronavirus disease (COVID-19).
John Lindsey Banaynal
Pag-downgrade sa ECQ wa pay klaro
(Banat) - June 30, 2020 - 12:00am

CEBU, Philippines — Wa pay kasigurohan kun malibkas ba ang enhanced community quarantine sa Cebu City tungod sa padayong pagsaka sa mga kaso sa novel coronavirus sa siyudad.

Si National Task Force Against COVID-19 chief, Carlito Galvez Jr. miingon nga dili pa nila irekomendar ang paglibkas sa mga community quarantines sa bisan asang bahina sa nasud hangtud sa bulan sa Oktubre tungod sa hulga sa pandemiya.

“Sa ngayon po, kailangan po sumailalim sa may quarantine control pa rin kasi po dapat dahan-dahan, hinay-hinay, unti-unti [ang pagli-lift]. Kung magkakaroon po tayo ng new classification na new normal, there will be a possibility na mawala ang vigilance ng adjacent provinces,” matud pang Galvez sa televised briefing nga gikutlo sa GMA News.tv.

Matud niya ang modified GCQ ra ang mahimong kinaubsang mahatag nga community quarantine hangtud nianang buwana.

“Kaya po nakapagdesisyon po tayo na ang threshold po ay MGCQ (modified general community quarantine) po muna para sabay-sabay po tayo mapunta sa new normal,” dugang pa niya sa maong report.

Ang tigpamaba sa Malacañang nga si Harry Roque miingon nga karong adlawa (Martes) ianunsyo ni Pres. Rodrigo Duterte ang mga klasipikasyon sa quarantines nga ipatuman sugod sa bulan sa Hulyo.

Ang Pilipinas nakatala og 35,455 COVID-19 cases diin 9,686 na niini ang nangaayo ug 1,244 na ang nangamatay.

Ang Cebu City nga karon gitutokan sa IATF maoy dunay kinadaghanan og kaso sa tibuok nasud. Dose ka barangay niini ang Sambag Dos; Kamputhaw; Sambag Uno; Basak San Nicolas; Mabolo; Guadalupe; Lahug; Duljo-Fatima; Tinago; Tisa; Ermita; ug Tejero. IBM (BANATNEWS)

ECQ
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with