Nag-sinulog bisan lockdown?
Decemay Padilla (Banat) - June 29, 2020 - 12:00am

CEBU, Philippines — Bisan paman og gipaubos sa Enhanced Community Quarantine(ECQ) ang Dakbayan sa Sugbo ug hugot gyud nga gidili ang social gathering apan dunay usa ka sitio sa Barangay Basak San Nicolas ang matod pa nagpahigayon og Sinulog Dance Festival niadtong Sabado sa gabii, Hunyo 27, 2020.

Ang presentasyon nag-viral sa Facebook nga giingong nahitabo sa Sitio Alumnos sa maong barangay nga miani og mga negatibong reaksiyon gikan sa mga netizens.

Ang Barangay Basak San Nicolas usa sa 12 ka mga barangay sa Cebu City nga daghan dunay kinadaghanan og kaso sa novel coronavirus disease(COVID-19) hinungdan nga daghang polis ang gi-deploy sa lugar aron mopatuman sa mas estriktong quarantine measures.

Si Basak San Nicolas Barangay Captain Norman Navarro miingon ang presentasyon nahitabo human sa pagsuroy sa ilang santos diha atubangan sa kapilya isip halad.

Apan giklaro ni Navarro nga wala siya kahibawo nga dunay ingon ato nga kalihukan kay ang pananghid ituyok sa usa ka block ang Imahe ug mamauli dayon.

Pagkasayod niyang daghang mga tawo ang niuban sa panon, nagpadala siya og mga tanod aron papaulion ang mga tawo.  Sumala pa niya, ang presentasyon gihimo usa ka oras human na sa prosisyon.

"Siyempre kalapasan gyud (ECQ) kay wala man tay festival nga kuan, wala man tay presentation, wala man tay social gatherings nga nahitabo kay ECQ baya ta," matud ni Navarro.

Ang Cebu City Police Office ug ang Criminal Investigation Detection Group (CIDG)-7 miimbitar sa mga nagpasiugda sa kalihukan.

Tungod sa nahitabo, gimando ni Police Regional Office (PRO) -7 Director Albert Ignatius Ferro ang paghimo og imbestigasyon batok sa mga nagpasiugda sa maong kalihokan.

"Those that will be found to be violating the Republic Act 11332 or the Bayanihan Act will subjected to criminal case and for those barangay officials that are involved they will be sanctioned on administrative case from the DILG,"matud pa ni Ferro.

Ang officer-in-charge sa CCPO nga si Police Colonel Cydric Earl Tamayo miingon nga gibadlong sa mga Barangay Tanod ang kalihokan, pagabot sa mga polis nahuman na ang prosisyon.

"Giadtoan gyud nato,all the investigating body sa PNP,and it comes out na,si Kapitan, iyang gisugtan na ituyok to ang Santo Niño nato. Unya siyempre pag-abot sa sulod guot naman didto, dili na ma-monitor, nagkadaghan na ang mga tawo ug nagsayaw-sayaw," sigun ni Tamayo.

Si Tamayo miingon nga ilang pasakaan og kaso ang organizer sa maong kalihokan nga giilang si Nicolas Tabar ug ila pang gitan-aw kun unsay tulobagon ni Navarro ug uban pang nagpasiugda lakip kadtong mga nanayaw sa   paglapas sa ECQ protocols.

Gibutyag ni Ferro nga makasagmuyo ang maong hitabo sanglit nianang gabhiuna nag aerial inspection pa sila ni Lt. General Guillermo Eleazar, Joint Task Force Commander,  ug nakita nilang wa nay mga tawo sa kadalanan sa siyudad.

"Unfortunately that evening was frustrating lang kay thrice na baya kami nag-estorya aning mga Barangay Kapitan to cooperate so that we could stop the spread of the disease by really enforcing what is the ECQ," pahayag ni Ferro.

Si Cebu City Mayor Edgardo Labella mimando kang Atty. Rey Gealon sa City Legal Office nga paesplikahon sud sa 24-oras ang mga opisyales sa maong barangay.

“The City Government, through the City Legal Office, has directed the barangay leaders and officials of San Nicolas to explain within 24 hours their violation of existing guidelines under our Enhanced Community Quarantine (ECQ) status. I have tasked Atty. Rey Gealon, our City Legal Chief, to investigate the holding of a fiesta celebration in Sitio Alumnos despite a directive strictly prohibiting mass gatherings,” matud pa sa mayor. Iris Hazel M. Mascardo/IBM (BANATNEWS)

LOCKDOWN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with