Medical team sa AFP motabang sa Cebu City
CEBU, Philippines — Ang Armed Forces of the Philippines mipadala sa Cebu City sa ilang 33-Man Medical Team gikan sa Manila aron motabang sa medical frontliners dinhi nga giingong nagkaanam na og kahapo sa gidaghanon sa mga pasyente sa novel coronavirus disease nga ilang giatiman.
Ang AFP Medical Team gilangkuban sa military doctors, military nurses ug medical aide nangabot sa Benito Ebuen Air Base kagahapon sa buntag luwan sa C-130 heavy lift transport sa Philippine Air Force.
Sumala pa nga ang pagpadala kanila dinhi resulta sa joint request nila ni Secretary Michael Dino sa Office of the Presidential Assistant for the Visayas(OPAV), Department of Health(DOH)-7, IATF Cebu ug Lt. Gen. Roberto Ancan, Commander sa Central Command alang sa Cebu City.
"Being here alone is a hard role to take. But thankfully our selflessness and love for our country comes to picture. The current situation calls us to act as one. This Pandemic is teaching us that no man is an island. We cannot fight this battle alone. The work gets easier when we are working hand in hand," sigon pa ni Ancan.
Ang medical team nga gipangulohan ni Major Maria Adesitas Sagario nipaubos og precautionary swab testing ug nagpaturok og flu vaccine sa wala pa sila mobiyahe padung dinhi. /IBM (BANATNEWS)
- Latest