^
Ong: Donasyong manok naapud ngadto sa mga barangay
Si Association of Barangay Council president Franklyn Ong miangkon nga nakadawat og 20,000 ka buhi nga manok gikan sa kompanya sa pagkaon ang LnB nga ilang gituki niadtong Mayo 13, 2020.
STAR/File

Ong: Donasyong manok naapud ngadto sa mga barangay

Mary Ruth R. Malinao (Banat) - June 21, 2020 - 12:00am

CEBU, Philippines — Ang Liga ng mga Barangay (LnB) sa Siyudad sa Sugbo namahayag nga ang tanang manok nga gidonar sa kanila sa usa ka kompanya naapud-apod na og panghatag sa 80 ka mga barangay sa siyudad.

Si Association of Barangay Council president Franklyn Ong miangkon nga nakadawat og 20,000 ka buhi nga manok gikan sa kompanya sa pagkaon ang LnB  nga ilang gituki niadtong Mayo 13, 2020.

Una nang gipadayag ni Konsehal Joy Augustus Young ang iyang sentimiyento kabahin sa giingong donasyong dressed chickens nga imbes ipanghatag ngadto sa mga residente giingong gipamaligya kini.

Matud ni Young, 17,000 ka dressed chickens ang gidonar sa kompanya sa pagkaon, apan giingong dunay mga kawani sa City Hall ug pipila ka mga individual sa barangay ang mibaligya niini sa mga residente.

Si Ong mipasabot nga ang mga manok nga gihisgotan ni Young dili kadtong mga manok nga nadawat sa LnB. Apan pareho ra nga kompanya ang naghatag, apan sa dugang 17 mil ka  manok wala silay dokumentong nakita kun nahitabo gyud ang maong donasyon.

"I just want to clarify. As far as I am concerned, as the Liga ng mga Barangay of Cebu City is concerned, we have all the documents," matud ni Ong.

Matud niya adunay upat nga resolusyon sa LnB nga naghatag kaniya og pagtugot sa pagpirma sa Deed of Donation ug BIR Certificate of Donation.

Sulod duha ka adlaw gikan sa Mayo 14 hangtod 15 nahatag ang tanang manok ug aduna silay Acknowledgement Receipt niini gikan sa mga barangay.

Giawhag ni Young si Mayor Edgardo Labella ug ang Department of Social Welfare and Services (DSWS) nga mosumiter og report sa konseho kung nakadawat ba gyud og 17 mil ka dressed chickens ang syudad ug kun giunsa kini pagapud-apod. /IBM (BANATNEWS)

BARANGAY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with