Online medical consultation gihimo sa Liloan

CEBU, Philippines — Mokabat sa 674 ka mga pasyente sa Liloan ang nakabenepisyo sa programa sa lungsod nga GugMed Online Medical Consultation .Kini gihimo sukad niadtong Abril 17 hangtod Hunyo 16, 2020.

Sa facebook page sa lungsod sa Liloan gipahibawo nga 112 ka mga bata, 13 ka mga batan-on, 490 ka adults ug 59 ka senior citizen ang nakabenepisyo sa maong programa. Ang GugMed Online Medical Consultation usa ka programa pagtabang sa mga pasyente nga limitado ang access sa medical assistance atol sa panahon sa quarantine.

"GugMed gives patients access to health services and medical professionals through technology without the need of leaving their homes. GugMed provides convenience and safety to all as we continue to fight the COVID 19 pandemic" pagbasa sa facebook post.

Si Mayor Christina Frasco nilusad sa maong programa uban ang Xynapx Technologies aron paghatag sa mga residente sa Liloan og libre nga online medical consultation. Alang sa mga gusto og medical advice pinaagi sa Liloan Gugmed mobisita lang sa econsult.cloudmd.com.ph. /MEL (BANATNEWS)