Operasyon sa barko sa Maya Port magsugod karon

CEBU, Philippines — Gikatakdan karon Hunyo 12, 2020 ang pagsugod na sa operasyon sa unang commercial nga byahe sa barko sa New Maya Port sa Lungsod sa Daanbantayan.

Sa facebook post sa Municipality of Daanbantayan gipahibalo ang pagsugod na sa operasyon sa barko sa maong pantalan diin gipahibalo usab ang schedule sa biyahe.

Ang schedule gikan sa Maya Port ngadto sa Calbayog City, Samar magsugod ang biyahe alas 12:45 sa kadalawon matag Lunes, Miyerkules ug Biyernes ug moabot ug maabot ang barko alas 6:45 sa buntag sa mosunod nga adlaw.

Samtang alas 12:45 sa hapon usab matag Domingo ang biyahe sa mao gihpong  rota.

Ang gikan sa Calbayog padulong sa Maya, matag Martes, Huwebes, Sabado ug Domingo ang biyahe alas 10:00 sa gabii ug moabot alas 4:00 sa kadlawon pagka-ugma.

"Our original MARINA application has granted two vessels within one daily round trip each ship", tipik sa suwat ni Jonathan Imboy, presidente sa SunLine Shipping Corporation ngadto kang Daanbantayan Mayor Sun Shimura nga gi-post sa official facebook page sa lungsod.  /BDB (BANATNEWS)