Tumulak nihangyo hospital beds dugangan
Decemay P. Padilla (Banat) - June 12, 2020 - 12:00am

CEBU, Philippines — Si Cebu City Councilor Dave Tumulak nanghangyo sa mga tambalanan sa Siyudad sa Sugbo nga dugangan ang ilahang mga katre alang sa mga pneumonia cases.

Matud ni Tumulak nga nasuta nga nagkaanam og kadaghan ang pneumonia cases sa Dakbayan sa Sugbo diin naglakip niini ang mga suspected covid-19.

Giingong ang matag hospital naggahin lang kini og pipila ka katre alang sa mga pneumonia cases hinungdan nga si Tumulak nihangyo nga unta dugangan sa mga tambalanan ang ilahang mga katre lakip na sa mga isolation ward aron ma-accommodate ang mga pasyente nga modangop kanila.

Gibutyag ni Tumulak nga kuwangan ang mga katre diin sugod niadtong adlawng Sabado nagsunod-sunod ang mga pasyente nga nag-atang nga makasulod diha sa mga tambalanan.

Giingong adunay mga pasyente nga niabot na ngadto sa mga tambalanan sa Dakbayan sa Mandaue ug Lapu-Lapu aron magpa-admit ug dunay uban dili nalang magpa-admit tungod kay walay mga bakante nga hospital sa pneumonia cases.

“Klarohon nato dili puno ang kinatibuk-ang ospital, apan ang matag ospital duna lang silay gi-allocate nga number of beds lang nga gamay ra para sa mga pneumonia cases”, padayag ni Tumulak.

Si Tumulak nipadala na kini og suwat ngadto sa mga tambalanan sa maong niyang hangyo. /BDB (BANATNEWS)

HOSPITAL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with