Gibase sa gobernador ug sa mga mayor ang desisyon sa RA 4136 o ang Land Transportation and Traffic Code nga wala magdili sa backriding basta dili pamasaheroan.
Edd Gumban/File
Backriding tugotan
Le Phyllis F. Antojado (Banat) - June 4, 2020 - 12:00am

CEBU, Philippines — Tugotan sa Probinsya sa Sugbo ang backriding sa mga motor base sa nakab-ot nga kasabotan ni Gov. Gwendolyn Garcia ug mga mayor sa lalawigan ngfa nitambong sa gipatawag niyang tigum kagahapong adlawa diha sa Kapitolyo.

Gibase sa gobernador ug sa mga mayor ang desisyon sa RA 4136 o ang Land Transportation and Traffic Code nga wala magdili sa backriding basta dili pamasaheroan.

"Motor vehicles registered under these classifications shall not be used for hire under any circumstances and shall not be used to solicit, accept, or be used to transport passengers or freight for pay," pagbasa sa Section 7 (a) sa RA 4136.

Apan tungod sa COVID-19 pandemic, nipagawas ang Department of Transportation (DOTr) og guidelines sa Social Distancing and Community Quarantine ug apil sa gidili niini ang backriding isip lakang aron di mokatap ang virus.

Tungod niini daghan ang nihangyo nga kun mahimo itugot kini kun ang moangkas membro sa pamilya sa drayber.

Si Talisay City Mayor Gerald Anthony "Samsam" Gullas nga kun kini ang sundon nga membro sa pamilya ra ang tugotang makasakay, posibleng magmugna kini og traffic diha sa mga checkpoints sanglit kinahanglang susihon an relasyon sa drayber ug sa angkas niini.

"Regarding the question ug pwede family members lang, I think LTO, LTFRB or DILG will say, na kung mag checkpoint ta ana, di maghuman," matud ni Gullas.

"Basta usa lang ang mo backride, magsul-ob og helmet kay according to law man, follow the law, at least ma-regulate nato. Ang katong mo backride nga wala mag helmet atong dakpon according to law. Kung tulo na na ka buok aw dili na na pwede," matud ni Garcia.

Ang mga habal-habal matud ni Garcia magpabiling bawal ug dakpon sila kun   mosupak.

Ang mga mayor nga nitambong parehas tanan og giyangungo sama ni Carcar City Mayor Mercy Apura nga kun mamahimo itugot ang pagangkas bisan sa managkabanay.

Wa mokomento

Ang regional director sa Land Transportation Office (LTO) Victor Caindec kinsa nitambong sa tigom kagahapon wala mohatag og komento o manifestation.

"Wala pa man nakakita sa signed version sa proposed EO ni Governor Gwen, we have yet to see how the ordinance will also be written, we cannot comment. It is a very challenging to make a comment on the approach of the governor until we see it," matud ni Caindec.

Si Garcia gikatakda nga moluwat og Executive Order kalabot niini ug suportahan usab og ordinansa sa Provincial Board nga gipaabot nga matuki sa Lunes Hunyo 8, 2020.

Kun maaprobahan sa Lunes mamahimong epektibo kini sa Martes Hunyo 9, 2020 sa Probinsya sa Sugbo.

IATF guidelines ang sundon

Apan si Police Regional Office-7 director Brig. General Albert Ferro miingon nga sa pagkakaron, ang guidelines lang sa Inter-Agency Task Force on Management of Emerging Infection Disease ang ilang tamdan.

Matud niya, manakop gihapon sila tungod kay klaro nga ginadili ang close- contact sa mga sakyanan bisan pa man nga pribado nga sakyanan ug sa mga motor.

“We will still follow the guidelines from IATF, Sec. (Eduardo) Año that no backride policy,”matud pa ni Ferro.

“We will suggest them to seek and follow guidelines from the national IATF but we will harmonized with them,” dugang pa ni Ferro. Sheriza Mae Uy/IBM (BANATNEWS)

BACKRIDING
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with