Minibuses wa motuman sa social distancing
Gabriel Bonjoc (Banat) - June 4, 2020 - 12:00am

CEBU, Philippines — Pipila ka mga minibuses nga nagdagan padung sa habagatang bahin sa probinsya sa Sugbo ang wala motuman sa “new normal” nga pagpasakay sa ilang pasahero.

Ang batakang gipasunod sa new normal sa mga pasaheroan ubos sa general community quarantine mao ang higpit nga pagsunod sa social distancing ug pagsuot og facemask.  Katunga lang sa naandang kapasidad sa mga makasakay ang pasakyon.

Apan usa ka minibus ang naabtan sa Banat News nga nagpasakay og pasahero diha sa Barangay Bulacao, Dakbayan sa Talisay kagahapon sa hapon diin nakita nga “old normal” ang pagpasakay sa pasahero kay puno man kini ug duna nay nagbarog. Apan nagsige pa gihapon og panawag og pasahero ang konduktor ug ang mga pasahero nangyawat sab og kabyon aron makasakay.

Usa ka trabahanteng nahinabi sa Banat News nitug-an nga niadtong unang adlaw sa pagbalik sa operasyon mga minibus naghuot gyud silang mga sumasakay. Gani siya mismo ang nagbarog hangtud nga naabot sa iyang destinasyon.

“Lami na gyud kaayo nga ikanaog kay ang konduktor nagsige naman lang og panawag og pasahero bisan pa nga nagdinut-anay nami,” matud pa ni Randy (dili tinuod nga pangan).

Siya nagkanayon nga wala ra sab polis o bisan unsa nga otoridad ang nakabadlong sa iyang gisakyan.

“Ang private nga sakyanan gipara pero ang minibus nga among gisakyan lahos-lahos rami,” asoy pa niya.

Si Police Regional Office 7 Director Albert Ferro sa dihang gikuhaan og pamahayag sa Banat News kabahin sa mga pasaheroang wala motuman sa social distancing miingon nga makasohan ang naghimo niini.

Gimandoan sab niya ang Highway Patrol Group 7 nga manakop og mga pampublikong sakyanan nga dili motuman sa Inter Agency Task Force (IATF) protocols subay sa GCQ guidelines. Matud ni Ferro pasakaan nila og kasong kalapasan sa traffic violation, IATF orders ug violation for not following maximum health standards ang drayber ug kundoktor nga naghimo niini.

Gihimug-atan ni Ferro nga ang IATF guidelines maoy ilang “bibliya”nga sundon sa mga implementasyon sa balaod sa panahon sa COVID pandemic.  Sheriza Mae Uy/IBM (BANATNEWS)

SOCIAL DISTANCING
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with