RESU7: Paglibkas o pag lockdown sa lugar iya na sa LGUs

CEBU, Philippines — Ang desisyon nga pagpaubos ang lugar ngadto sa quarantine status magdepende na karon sa Local Government Unit nga hingtungdan.

Matud pa ni Dr. Junjie Zuasula, pangulo sa Department of Health-7 Regional Epidemiology and Surveillance Unit, anaa na sa mga LGUs ang patan-aw kun kinahanglang magpatuman og quarantine o lockdown sa ilang hurisdiksyon, barangay, sitio, o bisan compound.

Kini kun mahasubay ang ilang himoon sa mga parameters nga girekomendar ubos sa Project Balik Buhay prevalence survey

Kini ang giklaro ni Zuasula, human sa gipagawas nga Barangay Luz Council Resolution 20-043 nga nagrekomendar sa paglibkas sa ilang Enhanced Community Quarantine Status.

Si Zuasula, ang usa sa mga guest atol sa Mugstoria Ta, nga live sa social media page sa Office of the Presidential Assistant for the Visayas nagkanayon nga ilaha nang gipresentar sa Cebu City Government ang resulta sa PBB Prevalence Survey nga gihimo sa mga city health offices sa tulo ka mga siyudad sa Cebu City, Mandaue City ug Lapu-Lapu City.

“The DOH-7 helped to analyze the data and to come up with the scaling model on determining quarantine status. They based the scaling model on the prevalence rate estimates and compared these with the number of positive or confirmed cases from the data of the Cebu City Epidemiology Surveillance Unit,” dugag pa ni Zuasula.

Si Zuasula, nitug-an ang DOH nirekomendar nga ang LGUs mogamit ug mga scaling model aron modesider kung libkason o mag-lockdown sa us aka lugar base sa gidaghanon sa mga kaso ug ang peligro sa pagkuyanap niini. /IBM (BANATNEWS)