Talisay naghangyo og bus sa LTFRB
CEBU, Philippines — Nihangyo si Talisay City Mayor Gerald Anthony “Samsam” Gullas Jr. sa Land Transportation Franchising and Regulatory Board nga matagan-an og temporaryong bus alang sa mga Talisaynon.
Si Gullas niingon nga temporaryo lang kini tungod kay ang mga traysikol gidid-an sa pagbiyahe sa nasudnong karsada.
Ang rota mao ang gikan sa eskina sa Linao hangtud sa eskina Bulacao.
Matud sa mayor nga magbalik-balik lang ang mga bus sa maong rota sa gikasabutan nga plitehan nga tag P11.
Si Jonathan Tumulak, traffic czar sa siyudad, nagkanayon nga ila nalang gipaabot ang taripa nga pirmahan aron dili na mag-antus ang mga Talisaynon sa ilang biyahe.
Kun kini matigayon una pa sila mangita og bus nga maoy mokuha sa rota. Apil sab kini nga tukion sa ilang tigum uban ni Gobernador Gwendolyn Garcia karong adlawa. /GMR (BANATNEWS)
- Latest