Gibutyag ni CIDG7 Deputy Regional Chief Police Major Allan Roland Tolosa nga apil sa ilang nakasohan ang 37 ka mga opisyales sa gobiyerno nunot sa pasangil nga anomaliya sa pagpangapud-apod sa maong cash assistance sa mga naapektahan sa pandemic.
Walter Bollozos/File
57 gikasohan tungod sa SAP
Sheriza Mae Uy (Banat) - June 3, 2020 - 12:00am

CEBU, Philippines — Mokabat ngadto sa 57 ka mga tawo ang napasakaan na’g kaso sa Criminal Investigation and Detection Group (CIDG7) lukop Central Visayas tungod sa iregularidad sa distribusyon sa special amelioration program sa gobiyerno tungod sa novel coronavirus disease (COVID)-19.

Gibutyag ni CIDG7 Deputy Regional Chief Police Major Allan Roland Tolosa nga apil sa ilang nakasohan ang 37 ka mga opisyales sa gobiyerno nunot sa pasangil nga anomaliya sa pagpangapud-apod sa maong cash assistance sa mga naapektahan sa pandemic.

Dugang pa ni Tolosa nga sagad sa ilang gipasakaan og kaso mga barangay officials nga nakalapas sa Bayanihan To Heal as One Act ug Anti-Graft And Corrupt Practices Act lakip na sa Code of Conduct and Ethical Standards of Public Officials.

Gilangkuban kini  sa Bohol,  upat sa probinsya sa Sugbo, usa sa Negros Oriental, tulo sa Dakbayan sa Sugbo, usa sa Mandaue ug duha sa Lapu-Lapu ang mga pormal nga napasakaan na og kaso ngadto sa korte.

Samtang aduna pay 19 nga pending pa nga anaa pa sa mga imbestigador sa CIDG-7 ug gihikay pa ang mga dokumento sa pagpasaka sa kaso batok kanila samtang dunay 11 sab nga gisusi pa ang mga alegasyon batok kanila.

Dili patas

Kasagaran sa reklamo nga miabot sa ilang buhatan mao ang dili patas nga paghatag sa ayuda diin kasagaran sa nahatagan mao kadtong dili kabus samtang kadtong kinahanglang tabanganan wala na makadawat sa maong ayuda.

“Ang kasagaran nga reklamo ani is, unang-una kining distribution ngadto sa unqualified beneficiaries diin aduna poy mga cases ani kung diin instead nga makadawat sila’g P6,000 ang nadawat nila is only P4,000,” matud pa ni Tolosa.

Gawas sa 12 ka mga barangay kapitan, gipasakaan usab og kaso ang upat ka barangay konsehal, usa ka barangay secretary, pito ka barangay health workers, tulo ka social workers, lima ka coordinators ug lima ka SAP enumerators.

Gipasakaan usab og kasong perjury ang 20 ka tawo nga dili kwalipikado apan nakadawat og ayuda human masuta nga kaila sila sa barangay officials.

Iyang gipasabot nga sa dili pa makadawat ang usa ka molupyo kinahanglan nga manumpa kini nga usa siya ka kabus sa tanang kabus.

Gipahibalo sab ni Tolosa nga padayon pa sila sa pagpanawat og reklamo gikan sa mga barangay diin ang ilang imbestigador mismo ang moadto sa barangay aron susihon kadtong mga nakadawat kung tinuod ba gyud kini nga kabus.

Usa sa ilang tan-awon kung wala bay laing panginabuhian ang ang nakadawat sa ayuda o aduna siya’y kabanay nga naa sa barangay nga maoy hinungdan nga nahatagan siya’g tabang sa gobiyerno.

Ang CIDG-7 gitahasan mga moimbestigar sa mga pasangil o reklamo sa anomaliya sa problema sa distribution sa SAP.

SAP

Sa pikas bahin, ang Department of Social Welfare and Development kon DSWD mitug-an nga ang pagpagawas sa ikaduhang hugna sa SAP mag-agad sa kapaspas moduso sa mga Local Government Units sa ilang Liquidation Report sa unang hugna. Ang mga LGU’s gipahinumduman nga paspasan ang ilang report sa unang hugna sa distribusyon ug ubang documentary requirements.

Dul-an pa lang sa 490 ka mga LGU ang nakasumiter pa sa ilang encoded SAC forms. Giingong ang validation, importante kaayo aron makapadayon sa ilang implementasyon sa Emergency Cash Program aron masusi sa National Government Agencies ang eligibility sa beneficiaries ug pagsuta kung wala bay nagdoble-doble og nadawat. Rowena Capistrano/IBM (BANATNEWS)

SAP
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with