COVID-19 positive nga nangaayo, Mahimong di na moagi sa PCR test
CEBU, Philippines — Plano sa Probinsya sa Sugbo nga dili na mogamit og Polymerase Chain Reaction (PCR) tests isip criteria alang sa pagpapauli sa mga sa COVID-19 positives nga nangaayo na.
Atol sa iyang virtual presser, si Gob. Gwendolyn Garcia nagkanayon nga mo-adopt ang Probinsya sa Sugbo sa gihimo karon sa Singapore nga di na mogamit og PCR-testing ug nibase na lang sa time-based discharge policy, pagtugot sa mga pasyente nga makauli human sa 21 ka adlaw nga isolation.
"...Para ma simplify ni atong kinabuhi ug ato ning itratar in the same way with other diseases are being applied with the same standards, kana ato pud na i-apply, time based na ang discharge gikan sa pagsugod sa ana nga illness, wala nay mga symptoms, okay na ka. Then after certain date then considered recovered," matud ni Garcia.
Si Garcia miingon nga didto sa Singapore, ang mga pasyente sa COVID-19 didto nga nangaayo diretso nga gipagawas sa mga tambalanan ug wala na kuhai balik og PCR-test.
Si Garcia makigtagbo ni sa Department of Health (DOH-7) alang sa protocols nga himoon subay niini.
"Molingkod sa mi ni Dr. Bernadas because in fact sila pud ang DOH they have already changed their protocols. Ang ilang gihimo instead of kaduha na negative ang nigawas mosugot na sila nga one negative lang. You know, this is really the more efficient way of doing this time based na ta. If such an efficient country as Singapore is already doing it ngano di man sad nato mahimo? Because it also saves up sa resources. Ato ng gamiton sa uban nga kinahanglan nato testingan," matud ni Garcia. /IBM (BANATNEWS)
- Latest
