Lockdown pa gihapon
CEBU, Philippines — Mga barangay sa Cebu City nga pabiling adunay daghang kaso sa novel coronavirus disease (COVID-19) gikonsiderar nga "red zones" ug magpabilin sila sa lockdown aron pagpugong sa pagkatap sa virus ngadto sa ubang mga barangay karong ang siyudad gipaubos na sa general community quarantine.
Usa niini ang Barangay Luz nga maoy unang barangay sa siyudad nga nakatala og kinadaghanang kaso gikan sa Sitio Zapatera. Tungod niini, pabilin ang lockdown sa maong barangay ug hugot gihapon gipatuman ang mga protokol nga gisunod samtang enhanced community quarantine pa ang tibuok siyudad.
Lakip sa pabiling lockdown ang Mambaling, Labangon, Suba, Carreta, Sawang-Calero, Bacayan ug Tejero. Kining kamandoan gituman sa mga barangay bisan ang pipila kanila nangangkon nga daghan na sa ilang mga gi-isolate ang nangaayo. Si Brgy.Luz Brgy.Captain Ronila Sab-a miangkon nga nagsaid, it's hard to be acting on something that they only hear or read on Facebook and no proper documents at hand.
"Lockdown gyud gihapon mi, unya akoy luoy na kaayo ani, akoy gi-blame sa tanan nganong lockdown daw gihapon mi. Ordinaryo nga tawo ra tawon ko, di ko high ranking officials," matud ni Bo. Luz Brgy. Kapitan Ronila Sab-a sa interbyu sa The Freeman. Bisan og wala nag i-lockdown ang Sitio Zapatera sugod adtong Biyernes, magpabilin gihapong ECQ ang tibuok barangay sanglit wala pay kamandoan.
Sa samang higayon, ang Mambaling nga maoy adunay kinadaghanan og kaso sa COVID-19 nakasinati sab karon og kalisud human nga si Kapitan Gines Abellana mibutyag nga nagpabilin gihapon sa BIC ang ilang mga nangaayo na sa maong sakit.
"Lockdown gihapon (entire barangay) kay wa may order from the mayor nga lift ang lockdown. I have written a letter to the mayor, dated May 27,2020 and received on the same day, but we have not yet received any response on such request of lift," matud ni Abellana.
Dunay 16 ka sitio sa Mambaling nga gi lockdown ug giangkon niya nga naglisud sila sa pagsuporta sa pagkaon sa mga molupyo didto.
Padayon gihapon ipatuman ang No Passes, No go Out policy, pagsul-ob kanunay sa facemask, social distancing ug ang pag disinfection.
Samtang si Atty. Rey Gealon, ang pangulo sa City Legal Office ug tigpamaba ni Labella, nibutyag kadtong mga trabahante nga anaa nanimuyo sa mga gi lockdown nga barangay di gihapon tugotang makagawas ug kinahanglang magpaabot pa sila nga kini malibkas. Rowena Capistrano/IBM (BANATNEWS)
- Latest
