Post bahin sa report nga puno na ang mga tambalanan susihon
Caecent No-ot Magsumbol (Banat) - June 2, 2020 - 12:00am

CEBU, Philippines — Gustong paimbestigahan ni Asec. Anthony Gerard “Jonji” Gonzales sa Office of the Presidential Assistance for the Visayas (OPAV) ang mga matud pa nag-post og dili beripikadong mga impormasyon sa social media nga nakamugna og kabalaka ug kahadlok tungatunga niining COVID-19 pandemic.

Kini human dunay mga messages ug post sa social media nga giingong nag- viral bahin sa matud pa nangapuno na sa mga pasyente sa COVID-19 ang mga hospital sa Cebu City.

Si Department of Health-VII Regional director Dr.Jaime Bernadas daan ng miklaro bahin niini nga “half truth” lang kini ug mihatag kini og impormasyon kun pila gyud ang sulod nga pasyente sa COVID-19 sa mga pribado ug publiko nga tambalanan, matud niini, kadaghanan tagsa lang ngadto sa napulo ka pasyenteng may COVID-19 ang naa sa mga tambalanan karon.

Apan si Gonzales gusto nga ipatan-aw kining maong mga posts, apil na ang doktor nga giingong nag-post niini.

“Even a doctor should not do that to a community who is now so scared on what is happening. We will look into that matter nga if di ba siya liable for cyber crime,” matud ni Gonzales.

“Ang mga tawo, unsa may ilang impression ana? Unsay ilang gusto mahitabo? Dili unta manghadlok. We will not hesitate to ask the police to conduct an investigation,” dugang pang Gonzales.

Sa press briefing kagahapon,  ang tigpamaba ni Cebu City Mayor Edgardo Labella nga si Atty. Rey Gealon nasagmuyo sab bahin sa maong post kay nakapabalaka kini sa publiko.

“Binuang, binotbot, dili tinuod nga napuno na atong mga hospital. Pait kaayo nga kining uban natong mga igsoon imbes motabang sa kaayuhan, motabang sa kaalatuan man hinuon sa pagpanghanghadlok sa mga tawo,” matud ni Gealon.

Matud niya, ang mga pribado ug publikong tambalanan mihatag na og katin-awan bahin niini nga andam silang modawat og mga pasyenteng dunay COVID-19 ug ang city’s health care system karon nakaplastada na.

“Giklaro na sa atong mga bay tambalanan, publiko man o pribado, andam silang mudawat ug mga pasyente sa Covid 19.Health care system, in place lang gihapon, wala mga overwhelmed gumikan sa atong pagsunod, pagsubay sa DOH memorandum 2020-0123 sa leveling sa mga nag positive sa Covid 19,” matud ni Gealon.

Sa pagkakaron, ang mga Barangay Isolation Centers sa siyudad wala pa tanan magamit ilabi na nga daghan na ang mga nangaayo ug gipapauli na. /IBM (BANATNEWS)

SUSIHON
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with