Nimenus ang gidaghanon sa traffic violators
CEBU, Philippines — Sobra sa katunga ang pagkubos ang gidaghanon sa mga impound nga mga motorsiklo sa buwan sa Mayo kung itandi sa nilabay nga buwan sa Abril sumala pa sa opisyal sa Cebu City Transportation Office (CCTO).
Si John Paul Amores, public information officer sa communications and electronics sa CCTO nga nahinabi sa Banat News miingon nga niadtong buwan sa Abril nakadakop ug gi-impound nila ang 1, 497 ka motorsiklo.
Apan sa buwan sa Mayo niabot lang og 424 ka motor; 39 ka 4-wheels; 13 ka trisikol ug duha ka e-bikes ang ilang na impound.
Gibutyag sab niya nga sa pagsugod sa general community quarantine kagahapong adlawa, nabantayan dayon nila ang pagsugwak sa daghang mga sakyanan diha sa kadalanan bisan sayo palang sa buntag.
Subli siyang mipahinumdom sa mga motorista nga wala libkasa sa executive order bahin aning GCQ sa Cebu City ang number coding scheme ug mipasidaan nga dakpon kadtong dili motuman niini.
Giawahg niya ang mga motorista nga dili magsige og gawas kung dili importante ang ilang tuyo sa gawas aron malikay niining COVID-19 ug luwas usab ilang pamilya sulod sa ilang balay kung sila magpundo. /IBM (BANATNEWS)
- Latest
