Pagbukas balik sa Simbahan daghan ang naghinamhinam

CEBU, Philippines — Daghang nalipay nga mga magtutuo sa balitang buksan na pagbalik ang mga simbahan ug balay alampoanan sugod karong Hunyo 1 kini bisan pa man og aduna pa gihapoy ipatumang mga protocols aron paglikay sa novel coronavirus disease (COVID)-19.

Usa kanila si Elizabeth Soliano kinsa naghinam-hinam na nga makasimba pagbalik sa simbahan kay duh aka bulan na kining wala makahimo niini. Apan bisan paman sa ECQ, nakadungog gihapon siya sa Santos nga Misa pinaagi sa radio, internet ug telebisyon.

Sumala pa ni Soliano, andam siya sa pagsunod sa mga protocols sama sa social distancing, pagsul-ob ug facemask ug uban pa.

Hinuon giangkon niya nga naa pa gihapon ang kabalaka sa iyag hunahuna tungod kay padayon pa ang pagpanakod sa COVID-19.

Samtang ang Arsobispo sa Sugbo Jose Palma, niawhag sa mga magtutuo nga kung gusto nilang mosimba, kinahanglang mosunod gyud sila sa mga lagda. /IBM (BANATNEWS)