Tulo ka tawo nga nagtigbakay nasikop
CEBU, Philippines — Natingkagol sa detention cell sa Consolacion Police Station ang tulo ka sugarol human kini masikop atol sa pagpangronda sa kapolisan sa nilabayng adlaw diha sa tigbakayan sa Purok 5, Barangay Nangka, Lungsod sa Consolacion.
Si Police Corporal Anthony Iliut sa Consolacion Police Station niila sa mga suspetsdo nga mao si Ernesto Encarnacion, 56; Alen Surigao, 29; ug John Rosella, 22, parehong nagpuyo sa Purok 1, Barangay Nangka sa maong lungsod.
Matud ni Iliut nga nakadawat sila og taho kalabot sa gipahigayon nga tigbakay nga gipasiugdahan sa maong mga sugarol.
Ang mga nagsugal nakamatikod sa pag-abot sa mga polis hinungdan nagkatibwaag kini og dinaganay apan ang tulo ka suspetsado nagunitan kini sa mga polis. Ang tulo gikatakda kining pasakaan og tukmang kaso sa nahimo nilang kalapasan. /BDB (BANATNEWS)
- Latest