Tulo patay sa pagpamusil
Matud ni Police Captain Janelito Marquez hepe sa Guadalupe Police Station nga gikan nangompra sa downtown area si Borinaga ug ang iyang kapikas alang sa kunsumo sa panimalay.
STAR/File
Tulo patay sa pagpamusil
Sheriza Mae Uy (Banat) - May 29, 2020 - 12:00am

CEBU, Philippines — Nahimong dugoon ang Cebu City ug Mandaue City sa duha ka insidente sa pagpamusil nga gikamatay sa tulo ka mga tawo nga naglakip sa us aka retiradong polis sa Cebu City ug duha ka mga gwardiya nga nagbantay og establisamento sa Dakbayan sa Mandaue.

Sa Brgy. Kalunasan sa Cebu City,  gipaulanan og bala ang retiradong polis nga si Brazillo Borinaga, 51, nagpuyo sa maong lugar.

Matud ni Police Captain Janelito Marquez hepe sa Guadalupe Police Station nga gikan nangompra sa downtown area  si Borinaga ug ang iyang kapikas alang sa kunsumo sa panimalay.

Sa pagabot nila sa ilang balay miuna na og kanaog ang asawa niini samtang si Borinaga niparada sa ilang sports utility vehicle.

Matud pa nga sakto ra sab nga nakasulod  sa panimalay ang asawa niini adunay wala mailhing lalaki ang miduol sa biktima ug diretso kining gipaulanan og bala.

Gisusi pa sa kapolisan kun dunay closed-circuit television camera sa dapit aron mailhan kun kinsa ang mamumuno.

Gitan-aw karon sa kapolisan ang motibo sa pagpatay kang Borinaga kun may koneksyon ba kini sa kaniadto trabaho niini isip usa ka polis.

Si Borinaga nadestino kaniadto sa Cebu City Police Office ug nahimong sakop sa Regional Special Operations Group (RSOG-7) sa panahon sa kontrobersiyal nga kanhi hepe sa Police Regional Office-7 nga si General Marcelo Garbo kinsa gihinganlan ni Pres. Duterte nga ‘narco-general.’

Tuig 2018, gilabay si Borinaga didto sa Cordillera Autonomous Region (CAR) ug niadtong tuig 2019 miretiro kini sa serbisyo pagka polis.

Nakaangkon og duha ka samad pinusilan sa ulo ug duha sa bukton ug abaga si Borinaga nga gituohang nakaingon sa iyang hinanaling kamatayon.  Wa pay giluwatang pamahayag ang kabanay ni Borinaga bahin sa nahitabo.

Gwardiya

Samtang duha sab ka security guards ang gipamusil patay diha sa gitrabahoan nilang establisamento sa dalan A. S Fortuna sa Dakbayan sa Mandaue kagahapong adlawa.  Ang mga nakalas mao ang retiradong polis nga si Benedicto Sumagang, operations officers sa EROSS Security Force Agency kansang buhatan nahimutang sa maong dapit, ug ang suspek nga si Raymond Alquisola.

Samtang nasamdan sab ang babayeng gwardiya nga nagbantay sa ilang opisina nga si Jessie Liza, 31.

Matud ni Police Lieutenant Troy Lalamunan sa hepe sa Mandaue City Police Station 4 miabot si Alquisola sa ilang opisina. Matud pa adunay nahitabong panaglalis ug misangpot sa pagpusil niini kang Liza ug Sumagang.

Matud pa nga nakasaka pa sa iyang opisina ug nakapanirado didto si Sumagang apan gigukod kini sa suspek ug gipusil ang pultahan hangtud nga naablihan.

Sumala pang Lalamunan, pagabot didto patay na si Sumagang tungod kay naigo na diay kini sa dihang diha pa kini sa silong.  Gituohan nga gium-om ni Alquisola ang armas ug gipusil ang iyang kaugalingon hinungdan sab sa iyang kamatayon.

Nakuha sa crime scene ang 9mm nga pistol, ug mga basiyo ug buhing bala diha sa crime scene. Si Liza daling gitabang ug gidala sa tambalanan samtang ang duha nakabsan gyud sa kinabuhi.

Si Lalamunan miingon nga ilang susihon ang ilang nahipos nga impormasyon bahin sa pagsige og reklamo sa suspek tungod kay sigeng kadelatar ilang sweldo unya daghan pa gyud og deductions. /IBM (BANATNEWS)

DEAD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with