84-anyos napaig sa sunog
CEBU, Philippines — Patay ang usa ka 84-anyos nga ginang human nasunog ang panimalay nga gipuy-an niini sa may Barangay Toong, bukiran nga bahin sa Dakbayan sa Sugbo niadtong Miyerkules sa kaadlawon.
Ang nakalas naila nga si Patricia Geralla. Matud pa ang umagad na niini nga si Eleuterio Villarin mao ang ang nitaho sa kapulisan may labot sa maong insidente.
Atol sa pagsusi sa kapulisan sa Punta Police Station, ilang nasuta ang naugdaw nga balay ug didto nakita ang sunog na nga lawas ni Geralla.
Ang kapulisan blangko pa sa hinungdan sa sunog nga niresulta sa kamatayon sa biktima ug makig-alayon pa usab sila sa pamilya alang sa dugang imbestigasyon nga ipahigayon. Ang ginang giingong wala na makagawas sa gipuy-an niini atol sa pag-ulbo sa sunog. /IBM (BANATNEWS)
- Latest