Mga hayopan makasinati usab og heat stroke
CEBU, Philippines — Ang mga hayop makasinati usab og heat stroke sama sa tawo tungod sa grabeng kainit sa panahon.
Kini maoy gitug-an ni Dr. Mary Thessa Lorraine Alo, city veterinarian sa Dakbayan sa Talisay.
Matud ni Alo nga atol sa summer season magproblema usab ang mga hayopan tungod sa grabeng kainit nga ilang masinati.
Ang mga hayopan nagkinahanglan usab kini og proper hygiene o pagkaligo aron malikay sila sa heat stroke tungod sa grabeng kainit.
Gani nakalatid sa Animal Welfare Law nga alas 10:00 sa buntag ngadto sa alas 2:00 sa hapon gidili ang pagbiyahe sa mga hayopan.
“Yes prone gyud sila sa heat stroke. Ma baboy, iro ug uban pa pwede ma-heat stroke”, matud ni Alo.
Ang buhatan ni Alo bukas ngadto sa tanan alang sa kasayuran labot sa pag-atiman sa mga binuhing hayopan. /BDB (BANATNEWS)
- Latest
