130 ka drayber nga nakalapas sa trapiko dakpan
CEBU, Philippines — Nikabat ngadto sa 130 ka drayber sa mga sakyanan nga nagbiyahe sa habagatang bahin sa Lalawigan sa Sugbo kinsa nakahimo og kalapasan ang nadakpan atol sa gipahigayong operasyon sa Land Transportation Office (LTO)-7 niadtong Sabado.
Ang LTO nipahigayon sa ilang operasyon diha sa Dakbayan sa Naga ug Toledo, Lungsod sa Balamban ug sa ubang dapit sa habagatang bahin sa Sugbo nga ubos sa general community quarantine (GCQ).
Ang mga drayber nga nadakpan giisyuhan kini og Temporary Operator›s Permit (TOP).
Lakip sa mga kalapasan nga nahimo sa maong mga drayber mao ang kapakyas sa sa paggamit sa seatbelt diin 47 kabuok ang nadakpan niini, 36 ang nasikop tungod sa paggamit sa ilegal nga accessories, 14 ang reckless driving, 12 ang napakyas sa pagdala sa driver›s license, laing 12 usab ang wala magdala sa ilang OR/CR ug lima ang nagtaod sa ilang plate number. /BDB (BANATNEWS)
- Latest