Matud ni Ybañez nga ilang gitugotan ang mga food delivery provider nga mohatud bisan sa gawas sa hurisdiksiyon sa Dakbayan sa Mandaue nga ubos pa sa enhanced community quarantine.
Philstar.com/Era Christ R. Baylon
Mandaue nitugot sa food delivery; 71 ka LGUs nakadawat og food packs
Romeo T. Limpangog (Banat) - May 23, 2020 - 12:00am

CEBU, Philippines — Ang kagamhanan sa Dakbayan sa Mandaue nitugot na sa mga food delivery nga moserbisyo sa ilang mga kustomer bisan  sa gawas sa dakbayan o mga lugar nga gipaubos na sa general community quarantine.

Kini ang giapadayag ni Atty. John Edu Ybañez, executive secretary ni Mayor Jonas Cortes.

Matud ni Ybañez nga ilang gitugotan ang mga food delivery provider nga mohatud  bisan sa gawas  sa hurisdiksiyon sa Dakbayan sa Mandaue nga ubos pa sa enhanced community quarantine.

Gipasabot ni Ybañez nga ang mga food delivery sa mga fast food o uban pa nga mga food provider ang mahimo gihapon nga mohatud ngadto sa ilang mga kustomer sa Dakbayan sa Mandaue, mga lungsod sa Consolacion, Cordova ug uban pa. Ang mga dapit nga silingan sa maong dakbayan nga naglakip sa Consolacion ang mahimo gihapon nilang serbisyohan apan tumanon gihapon ang covid-19 protocol.

Naglakip sa gikinahanglan nga kompletohan  sa pagdala sa food  delivery  provider  mao ang delivery permit, company ID sa kawani ug certification gikan  sa manager sa kompaniya nga iyang gitrabahoan. Ug gikinahanglan usab ang pagsul-ob og face mask ug ang kanunay nga pagpanghunaw og alcohol.

Sa laing bahin, nikabat ngadto sa 71 ka local government units ang nakadawat og family food packs gikan sa Department of Social Welfare and Development Field Office 7.

Ug nikabat usab ngadto sa 99, 256 ka family food packs ang nahatag sa DSWD-7 nga nibalor tanan ngadto sa P39, 100, 378.78. Lakip sa nakapahimulos sa maong mga ayuda ang 3,400 ka na-stranded gikan sa nagkadaiyang probinsiya ug rehiyon lakip usab ang mga estudyante ug displaced worker.

Ang maong food packs kabahin sa relief augmentation effort sa national government panahon sa community quarantine batok sa covid-19. Ang maong food packs gilangkuban sa unom ka kilong bugas, upat ka latang sardinas, upat ka latang meat loaf ug unom ka sachet nga 3 in 1 coffee alang sa duha ka adlaw nga konsumo sa lima ka miyembro sa pamilya. Rowena D. Capistrano (BANATNEWS)

FOOD PACKS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with